М о р ф о л о г и я сўз туркумлари

§ 13. Ox буқа отининг кўплик шакли унга –en қўшимчасини қўшиш билан ясалади: oxen буқалар. Child бола отининг кўплик шакли children болалар бўлади.
§ 14. Инглиз тилига грек ва лотин тилидан ўзлашган баъзи отларнинг кўплик шакли мазкур сўзларнинг ўша тилдаги кўплик шаклини сақлаб қолган:
Бирлик шакли - Кўплик шакли
Datum – data
Addendum – addenda
Erratum- errata
Memorandum – memoranda
Phenomenon – phenomena
Basis – bases
Crisis - crises
§ 15. Penny пенс отининг кўплик шакли иккита: pence шакли пул миқдорлари билан, pennies шакли эса алохида тангалар назарда тутилганида ишлатилади:
It costs eighteen pence. Бу ўн саккиз пенс туради.
Pennies are made of bronze. Пенс тангалари бронзадан тайёрланади.
§ 16. Sheep совлиқ қўй, fish балиқ отларининг бирлик ва кўплик шакллари бир хилдир:
a sheep/fish бир қўй/балиқ – two sheep/fish иккита қўй/балиқ
Лекин, гап балиқларнинг хар хил турлари хақида борганида, fish нинг кўплик шакли умумий қоидага бўйсунади ва унинг кўплик шакли fishes бўлади:
In this lake there are fishes of many varieties. Бу кўлда балиқларнинг кўпгина турлари мавжуд.
§ 17. Dozen дюжина (ўн икки дона), score йигирма, йигирмата отлари сонлардан кейин келганида, уларнинг кўплик шакллари бирлик шакллари билан бир хил бўлади: two dozen (of) eggs икки дюжина (йигирма тўрт дона) тухум, three score (of) years олтмиш йил.
Ушбу отлар сонлар билан келмаса, уларнинг кўплик шакли умумий қоидага асосан ясалади:
Pack the books in dozens, please. Китобларни дюжиналаб (ўн икки донадан қилиб) ўранг.
§ 18. Works завод, заводлар оти хам кўплик, хам бирлик маъносида ишлатилади: