М о р ф о л о г и я сўз туркумлари

ОТЛАРДА СОН (NUMBER)


Отларда кўплик ясалишининг умумий қоидаси

§ 6. Инглиз тилида, ўзбек тилидагидек, отларнинг б и р л и к ва к ў п л и к шакллари мавжуд.

Отларнинг бирлик шакли бир предметни, кўплик шакли эса икки ёки ундан ортиқ предметларни ифодалаш учун ишлатилади: a pen ручка – pens ручкалар.
§ 7. Отларнинг кўплик шакли отларнинг бирлик шаклига –s қўшиш орқали ясалади (худди ўзбек тилида –лар қўшилгани каби): hand қўл + s = hands қўллар. Ушбу –s қўшимчаси ж а р а н г л и ундош ва у н л и л а р д а н сўнг келганда, [z] деб, ж а р а н г с и з ундошлардан сўнг келганда [s] деб талаффуз қилинади.
§ 8. Бирлик шакли s, ss, x, sh, ch харфлари билан тугаган отларнинг кўплиги ушбу отларнинг бирлик шаклига –es қўшимчаси қўшиш билан ясалади. Бунда ушбу қўшимча [ız] каби талаффуз қилинади: class синф + es = classes синфлар, box қути – boxes қутилар.
Изох: Бирлик шакли s, c, z, g харфларидан сўнг ўқилмайдиган e билан тугайдиган отларнинг кўплик шакли қўшимчаси хам [ız] каби талаффуз қилинади: horse от – horses отлар, place жой – places жойлар, prize мукофот – prizes мукофотлар, judge судья – judges судьялар.
§ 9. Отларнинг бирликдаги шакли у н д о ш ва ундан кейин келадиган у харфи билан тугаса, бундай отларнинг кўплик шакли отларнинг бирлик шаклига –es қўшимчаси қўшиш билан ясалади, бунда у харфи i харфига ўзгаради: city шахар +es = cities шахарлар, factory фабрика – factories фабрикалар.
Агар сўз охиридаги y дан олдинги харф у н л и бўлса, унда ушбу отларнинг кўплик шакли уларнинг бирлик шаклига, умумий қоидага кўра, -s қўшиш билан ясалади. Бу холатда y харфи i га ўзгармайди: day кун – days кунлар, key калит – keys калитлар.