M. N. Abdullayeva A. Avloniy nomidagi xttrmxqtmoi "Xorijiy tillar" kafedrasi mudiri

O‘ZBEKISTON RESPUBLIKASI
XALQ TA’LIMI VAZIRLIGI
O‘zbekiston Respublikasi
Xalq ta’limi vazirligi hamda
Oliy va o‘rta maxsus ta’lim vazirligining
2021-yil “___”____________ dagi
__- son qo‘shma qaroriga __-ilova
UMUMIY VA O‘RTA TA’LIM MAKTABLARI
XORIJIY TIL FANI O‘QITUVCHILARI
MALAKASINI OSHIRISH KURSINING


N A M U N A V I Y O‘ Q U V D A S T U R I

Toshkent-2021


Tuzuvchilar:
M.N.Abdullayeva A. Avloniy nomidagi XTTRMXQTMOI “Xorijiy tillar” kafedrasi mudiri.
T.S. Sodiqov Farg‘ona viloyati XTXQTMOHM “Tillarni o‘qitish
metodikasi” kafedrasi katta o‘qituvchisi.
S.T Isroilova Toshkent shahar XTXQTMOHM “Tillarni o‘qitish
metodikasi” kafedrasi mudiri.
G.T.Bozorova Navoiy viloyati XTXQTMOHM “Tillarni o‘qitish
metodikasi” kafedrasi katta o‘qituvchisi.
Taqrizchilar:
I.A.Imomov A.Avloniy nomidagi XTTRMXQTMOI “Xorijiy tillar” kafedrasi katta o‘qituvchisi
M.I.Toshpo‘latova Farg‘ona viloyati XTXQTMOHM “Tillarni o‘qitish
metodikasi” kafedrasi katta o‘qituvchisi.

Xorijiy til fani o‘qituvchilarining malakasini oshirish kurslari tajribaviy o‘quv dasturi A.Avloniy nomidagi XTTRMXQTMOI Ilmiy Kengashining 2020-yil 29-dekabrdagi 9-sonli bayonnomasi bilan ma’qullangan va tasdiqlash uchun tavsiya etilgan.

KIRISH

Ushbu namunaviy o‘quv dastur O‘zbekiston Respublikasining 2020-yil 23-sentabrda qabul qilingan “Ta’lim to‘g‘risida”gi Qonuni, O‘zbekiston Respublikasi Prezidentining 2019-yil 29-apreldagi PF – 5712-son Farmoni, “O‘zbekiston Respublikasi Xalq ta’limi tizimini 2030-yilgacha rivojlantirish konsepsiyasi”, 2020-yil 2-mart kuni O‘zbekiston Respublikasi Prezidenti Sh.M.Mirziyoyev huzurida o‘tkazilgan Xalq ta’limi tizimidagi islohotlarni jadallashtirish to‘g‘risidagi majlisi bayonida belgilangan topshiriqlar hamda Xalq ta’limi vazirining 2020-yil 9-martdagi “O‘zbekiston Respublikasi Prezidentining 2020-yil 2-martdagi 12-sonli majlis bayoni ijrosi to‘g‘risida”gi 74-son buyrug‘i ijrosini ta’minlash maqsadida joriy yilning mart oyida umumta’lim maktablari o‘qituvchilarning kasbiy mahoratini oshirishga bo‘lgan ehtiyojlarini aniqlash bo‘yicha o‘tkazilgan so‘rovnoma natijalari asosida ishlab chiqildi.

Dasturlar doirasida berilayotgan mavzular xalq ta’limi tizimi pedagog kadrlarini qayta tayyorlash va malakasini oshirish mazmuni, sifati va ularning tayyorgarligiga qo‘yiladigan malaka talablari va o‘quv rejasi asosida shakllantirilgan bo‘lib, xorijiy til fani o‘qituvchilarini zamonaviy ta’lim va innovatsion texnologiyalar, ilg‘or xorijiy tajribalardan foydalanish, axborot-kommunikatsiya texnologiyalarini o‘quv jarayoniga keng tatbiq etish darajasini oshirish hisobiga ularning kasb mahorati va o‘quv-uslubiy faoliyatini sifatli tashkil etish kompetensiyalarini muntazam yuksaltirishni nazarda tutadi.
Shuningdek, dastur mazmunida tinglovchilarga O‘zbekiston Respublikasi Prezidentining umumta’lim maktabi tizimida ilg‘or xorijiy tajriba asosida sifatli ta’lim olish imkoniyatlarini yaratish, fanlarni o‘qitishda amaliy ko‘nikmalarni shakllantirish hamda interfaol mashg‘ulotlarga e’tiborni kuchaytirish masalalariga qaratilgan qarorlaridan kelib chiqadigan vazifalar, global internet tarmog‘idan foydalangan holda dars jarayoniga innovatsion va axborot texnologiyalarini joriy etish, ularning kasbiy mahoratini oshirishda pedagogik va psixologik yondashuvlardan foydalanish asosiy vazifa sifatida belgilangan.