Samarqand viloyati xalq ta’limi xodimlarini qayta tayyorlash va ularning malakasini oshirish hududiy markazi o‘quv va ilmiy ishlar bo‘yicha direktor o‘rinbosari D. Rasulova tomonidan malaka oshirish kursining

Samarqand viloyati xalq ta’limi xodimlarini qayta tayyorlash va ularning malakasini oshirish hududiy markazi o‘quv va ilmiy ishlar bo‘yicha direktor o‘rinbosari D.Rasulova tomonidan malaka oshirish kursining
“Guruh jurnali” loyihasiga tayyorlangan
TAQRIZ
Ushbu “Guruh jurnali” 36 soatlik malaka oshirish kursi uchun mo‘ljallangan bo‘lib, u o‘quv reja va dasturlarning bajarilishini aks ettiruvchi, o‘quv mashg‘ulotlarini hisobga olish bo‘yicha asosiy hujjat hisoblanadi.
Guruh jurnali bitta guruh (guruh) uchun mo‘ljallangan bo‘lib, uning bosh sahifasi va 1-betlariga ta’lim muassasasining to‘liq nomi, ta’lim muassasasi rejasida ko‘zda tutilgan, vazirlik tomonidan tasdiqlangan malaka oshirish toifasining nomi to‘liq yoziladi.
Taklif etilayotgan “Guruh jurnali” loyihasi bo‘yicha quyidagilarni taklif etamiz:
1-bet tituldagi “Kurs boshlandi va kurs tugadi” qismida “-dan, -gacha” qo‘shimchalari usluban g‘aliz qo‘llanilgan. Uning o‘rniga “Kursning davomiyligi” yoki “Kursning boshlanishi” va “Kursning tugashi” tarzida yoki, umuman, “-dan, -gacha” qo‘shimchalarini olib tashlash ham mumkin.
3-4-betlardagi “Guruh tinglovchilari haqidagi ma’lumot” qismi ortiqcha hisoblanadi. AKT rivojlangan va barcha ma’lumotlar elektronlashtirilgan hozirgi zamonda tinglovchilar haqidagi ma’lumotlarni Uzluksiz kasbiy ta’lim elektron platformasi bazasidan topish qulaydir. Pasport va diplom ma’lumotlarini qo‘lyozma shaklda jurnalga ko‘chirib chiqish ortiqcha mehnat sarfini talab etadi.
5-betdagi “Tinglovchilarning dars mashg‘ulotidagi davomati va to‘plagan bali” qismida “Jami bali” ustuni o‘rniga “Jami qoldirilgan dars soati”ning kiritilishi maqsadga muvofiqdir.
7-betdagi “Tinglovchilarning to‘plagan kredit ballari” qismida kredit ballarini ko‘rsatish shart emas, deb hisoblaymiz. Chunki uni Uzluksiz kasbiy ta’lim elektron platformasi bazasidan ham ko‘rish mumkin. Kredit ballarini qo‘lyozma shaklda jurnalga ko‘chirib chiqish ortiqcha mehnat sarfini talab etadi.


Samarqand viloyati xalq ta’limi xodimlarini
qayta tayyorlash va ularning malakasini oshirish
hududiy markazi o‘quv va ilmiy ishlar bo‘yicha
direktor o‘rinbosari
D.Rasulova _____________