M. M. Nigmatova, S. S. Xodjayeva mаlаkаviy va pеdаgоgik аmаliyotni tаshkil etish mеtоdikаsi

MASHG`ULOTNI TAHLIL QILISH TURLARI VA ULARNING QISQACHA TAVSIFNOMASI.
Mashg`ulot tahlili o’quv — tarbiya jarayonini takomillashtirish va uni yuksak darajaga ko’tarishga qaratilgan faoliyatdir.
METODIK TAHLIL.
Mashg`ulotda tarbiyachi tomonidan qo’llanilgan usullarning maqsadga muvofiqligi mashg`ulotning turiga qarab belgilanadi. O’quv materialini bolalarga tushuntirish jarayonida qo’llanilgan usullarning shu materialga mosligi yoki mos emasligi uslubiy tahlil davomida aniqlanadi. Mashg`ulot usullarini tahlil qilishda quyidagilar hisobga olinishi kerak:
1. Mashg`ulot jarayonida tarbiyachi va bola faoliyatining tashkiliy shakllariga ko’ra:
a) hikoya usuli (tarbiyachining o’quv materialini bayon etishi ko’rinishida);
b) suhbat usuli.
2. Bolalarning o’zlashtirishi darajasiga ko’ra:
a) tarbiyachining so’zlash usuli;
b) ko’rgazmali qurollardan foydalanish usuli.
U yoki bu mashg`ulotning o’tilishi uslubiy jihatdan tahlil etilganda, bir-biri bilan bog’liq bo’lgan quyidagi masalalar e’tiborda bo’lishi lozim;
a) mashg`ulotning maqsadi;
b) mashg`ulotning mazmuni;
v) mashg`ulotni tashkil etish shakllari;
g) mashg`ulot manbalari;
d) mashg`ulot usullari.
Mashg`ulotni tahlil qilish jarayonida uslubshunos uslubiy amallarga e’tibor berishi kerak:
1. Tushuntirishning sodda va ommaviyligi.
2. Bolalarga tushuntirishlarining qulay, oson bo’lishi uchun barcha imkoniyatlardan foydalanish.
3. Mashg`ulot materialini boyituvchi qo’shimcha materiallarni bola yoshiga mukammal moslashtirish.
3. Mustaqil ishlarning bola yoshi va qobiliyatiga mos bo’lishiga erishish va boshqalar.