M. Dáwletov, e. Dáwenov, D. SeyDUllAevA

pa,  dúnya-ay!  Tuwıp  ósken 
jer  qanday  qádirli!  alaqay,  Palman  aǵam  kiyatır! 
(N.D.)  uwh,  júregim  jańa  jay  taptı  ǵoy!  (Ǵ.S.)
2. Qanday,  qansha,  qanshama,  qaysı,  sonday,  qalay, 
bunsha  sıyaqlı  kúsheytkish  mánili  sózler  arqalı:  Bul 
qanday  awhal!  Aysánem  bolsa  Ǵodalaqtıń  qanjıǵasında 
jılap  ketti.  (S.X.)  Usınday  ápiwayı  miynet  erleri  bizde 
qanshama  kóp  deysiz!  (Ǵ.S.)  Buǵan  bunsha  sulıwlıq, 
shıray,  bunsha  sawlat,  kelisken  qáddi-qáwmet  qalay 
payda  bolǵan!  (S.X.)
3. Gápler  súren-shaqırıq  mánisinde  kelgende  úndew-
lik  máni  ańlatadı:  Jasasın  barlıq  jer  júzinde  paraxat-
shılıq!  Elimiz  gúllene  bersin!  Barlıq  kúsh,  jetistirilgen 
zúráátti  sepsitpey  jıynap  alıwǵa  qaratılsın!  Hámme 
jıyın-terimge!  («E.Q.»)
Úndewlik  máni  joqarıdaǵı  dúzilislik  ózgesheliginen 
basqa,  gáptiń  mazmunı  hám  intonaciyası  arqalı  da  bil-
diriledi.  Bunday  jaǵdayda  gáp  quwanıshlı  xabar,  qut-
lıqlaw,  alǵıs  aytıw,  súysiniw,  xoshlasıw,  qáhárleniw, 
ǵarǵanıw,  ǵázepleniw  t.b.  mánilerde  keledi:  Kóz  aydın, 
batır,  kóz  aydın!  («A.»)  Shabdar!  At  bolǵanıńa,  janıwar! 
(Sh.A.)  Súyinshi  sheshe,  Gúljamal  keldi!  (A.Bek.) 
Kórsetemen  men  saǵan! — dep  ózinshe  ishinen  jekirindi 
Orazqul.  Xosh  bol  dalam!...  Írazı  bol,  xosh  endi, 
qanazatım  Gúlsarı!  (Sh.A.)