M. DÁWletov, A. DÁWletov, Z. IsMAylova, A. DÁWletova

30-shınıǵıw
.
Kóshirip jazıń. Tirkewishlerdiń astın sızıp, olardıń 
qanday sepliktegi sózler menen dizbeklesip kelgenin hám mánilerin 
anıqlań.
1. Ol kúndegiden góri búgin erterek turıp, balasınıń moto-
cikli turǵan jayǵa kirdi. 2. Sháripbay qálpeden Esimge shekem 
otırǵan on bir-on eki bala qolların jaydı. 
(Á. Sh.)
3. Gúlsimniń 
selk-selk kúlkisi Temirbektiń kirip keliwi menen tıyıldı. 
(T. Q.)
4. Mektep-úyde oqıwdıń baslanatuǵını haqqında kúnnen burın 
xabar berildi. 5. Búgin aqshamı menen jawın jawdı. 
(Ó. A.)

---

20
6.Eshki ılaqların ertip soqpaq penen ketip baratır. 
(S. S.) 
7. Bir kúni men sáskege taman qaytıp keldim. 8. Hasıljan bul 
ret ózin dáslepkiden de beter batıl tuttı. 
(A. Sh.)
§ 5. Atawısh tirkewishlerdiń qollanılıwı
hám mánileri
1. Atawısh tirkewishler ózi dizbeklesip kelgen sózi 
menen birge tómendegi mánilerdi bildiredi:
1)

atawısh tirkewishlerdiń 
keyin, soń, burın, aldın,
ilgeri, tısqarı
t. b. túrleri shıǵıs sepligindegi sózlerge 
dizbeklesip, 
waqıtlıq, sebeplik
hám 
ayırımlawshı
máni-
lerdi bildiredi. M ı s a l ı : 1. 
Bayanlamadan soń
jarıs sóz 
baslandı. 2.
Shaydan keyin
Ulmeken balasın ertip dalaǵa 
shıǵıp ketti. 
(A. Á.)
3. Bıyıl báhár ortası bolar-bolmastan-
aq, biz qara úyge 
hámmeden burın shıqtıq
. 
(Q. D.)
4. Ol 
awqatlanıwdan
aldın 
qolların sabınlap juwdı.
2) atawısh tirkewishlerdiń 
aldı, artı, janı, qası, 
tusı,
ústi,
sırtı, boyı, arası
t.b. túrlerine barıs, shıǵıs, 
orın seplikleriniń qosımtaları qosılıp, iyelik sepligindegi 
atawısh sózler menen dizbeklesedi. Olar iyelik sep-
ligindegi sózler menen dizbeklesip kelgende, kóbinese