М а р к е т и н г асосий маркетинг тушунчалари ва замонавий сўзларининг қисқача изоҳли луғати

мавжуд маҳсулотларингизни мавжуд харидорларингизга кўп миқдорда сотиш. Маҳсулотларингиз катта ҳажмда ёки тез-тез истеъмол қилиниши учун харидорларингизни рағбатлан­ти­ринг.

мавжуд харидорларингизга қўшимча товарларни сотиш. Харидорларингизга яна қўшимча нима кераклигини аниқланг.

мавжуд маҳсулотларингизни янги харидорларга кўп миқдорда сотиш.Маҳсулотларингиз билан янги ҳудудлар ёки янги бозор сегментларига чиқинг.

янги маҳсулотларни янги харидорларга сотиш. Янги бозорларга йўналтирилган янги корхоналарни яратинг ёки сотиб олинг.

Булардан ташқари, корхонанинг ўсиши учун, унинг ходимларини ва ҳамкорларини креатив тарзда фикрлашини ривожлантириш зарур.
МОЛИЯВИЙ МАРКЕТИНГ ҲАҚИДА
Маркетолог молиявий фикрлашсиз ташкилотчилигининг юқори даражасига кўтарилиши мумкин эмас. У фойда ва зарарлар ҳисоботи, пул маблағлари харакати ҳисоботи, баланс ҳисоботлари ва сметаларини тушуниши зарурдир. Активлар айланиши, инвестициялар рентабеллиги (ROI), активлар рентабеллиги (ROA), ликвидлик харакати, қўшилган қиймат, бозор капитализацияси ва капиталга харажатлар тушунчалари, унга сотувлар, бозор ҳиссаси ёки ялпи фойда тушунчалари каби зарурий одат бўлиб қолиши керак.
Корхона, ташкилот ёки компаниянинг бошлиғини маркетинг бўйича ўринбосарининг корхонанинг маҳсулотига талабни ошганлиги ва эски мижозларни ушлаб қолганлиги бўйича ҳисоботи қизиқтирмайди. Уни инвестициялар рентабеллиги (ROI) ва акциялар курсига маркетинг фаолиятини таъсири қизиқтиради. Шундай экан, маркетинг бўйича мутахассислар бозор ва молиявий кўрсаткичларни ўзаро боғлиқлигини жуда яхши билишлари зарурдир.
Бугун корпоратив харажатларни камайтириш бўйича мутахассислар, маркетинг фаолиятига тегишли бўлган барча харажатларни диққат билан ўрганадилар. Маркетологлар на фақат ҳар бир харажатни асослаб бериш ёки уларни ҳар бирини акционерлик қийматига таъсирини кўрсатиб бериш керак.
Корхона, ташкилот ва компанияларда маркетинг назоратчиси ёки инспектори лавозимини жорий этиш фойдалидир. Унга молиявий ишлар бўйича амалий тажрибага эга бўлган, маркетинг фаолиятини тадбиркорлик жараёнларида қўлланилишини яхши биладиган киши бўлиши зарурдир.
Маркетинг фаолияти бўйича иккита асосий услуб орқали, молиявий натижани кўпайтириш мумкин:

• 
  корхонанинг харажатларини, унинг турли ҳил фаолиятлари бўйича камайтириш орқали маркетинг самарадорлигини ошириш;
  
• 
  маркетинг воситаларини самарали қўллаш орқали, маркетинг натижадорлигини ошириш.
  

Корхона маркетинг фаолиятининг мақсади на фақат сотувни ва аксинча, узоқ истиқболда фойдани ҳам максималлаштириши керак бўлади. Сотув – бу савдо агентларининг ишидир, маркетинг бўйича мутахассислар эса биринчи навбатда фойда ҳақида қайғуришлари зарур. Демак, маркетинг бўйича яхши мутахассис, бу молия масалаларини жуда яхши тушунадиган кишидир.