М а р к е т и н г асосий маркетинг тушунчалари ва замонавий сўзларининг қисқача изоҳли луғати

Ребрендинг (rebranding) – бу товар, хизмат ёки корхонани бозорни жорий ҳолатига, истеъмолчиларнинг афзал кўриши, имкониятлари, мақсадлари ва корхонанинг амбицияларига асосан брендни мослаштириш жараёнидир. Ребрендинг энг кўп учрайдиган сабаблари орасида – мақсадли истеъмолчиларни марка ҳақидаги билимларини жуда пастлиги, талабни пасайиши, бренд таркибини ўзгариши (масалан, компанияларни бир-бирига қўшилиши), бизнесни янги йўналишларини очиш (масалан, B2B сектори учун чакана савдо йўналиши), янги бозорга чиқиш, юқори рақобатли бозорда етакчиликни сақлаб қолиш зарурлиги, муваффақиятли ребрендингни амалга оширган рақобатчиларнинг фаоллигини ошиши ва бошқалар. Ребрендингнинг калитли жиҳатлари (томонлари) ва асосий босқичлари жараёни қуйидагилардан иборат:
Маркетинг аудити. Асосий мақсад брендни соғломлик даражаси ҳолатини ўлчаш (истеъмолчиларни содиқлиги ва билимли, асосий тўсиқлар ва мотивациялар), турли мақсадли аудиторияларнинг уқуви ва идрокида бренд имиджини, унинг кучли ҳамда кучсиз томонларини ва рақобатбардошлик устунликларини баҳолаш. Маркетинг аудити натижалари хулосаларига асосан брендни репозициялаш қарори қабул қилинади.
Брендни репозициялаш – бу брендни тавсифномасини ўзгартириш, янада рақобатбардош бўлган янгисини яратиш ва мақсадли аудиториялар онгида, уларни мутаҳкамлаш.
Бренд атрибутларини визуаль рестайлинги – бу қабул қилинган позициялаш ва брендни тавсифномалари асосида, унинг янги визуаль атрибутларини (белги/логотип + бренд ҳаёти муҳити асосида аниқланадиган визуаль атрибутлар пакети) яратишдир.
Ички ва ташқи коммуникация. Коммуникациянинг мақсади – бу турли мақсадли аудиториялар, компания ходимлари, бренд эгалари ва шунингдек, ташқи аудиториялар онгига, ребрендинг мазмун-маъносини ўзгартиришдан кўзланган мақсадни ҳамда ўзгартирилган бренд қандай тавсифномаларга эга бўлганлигини етказишдир.
Режалаштириш (planning) – бу корхонанинг ҳозирги вақтда қаерда турганлиги, келажакда эса нималарга эришмоқчи ва уларни қандай режалаштириб, амалга оширмоқчи эканлиги ҳақидаги жараённи аниқлашдир. Режа ҳаракатлар дастуридир.