М а р к е т и н г асосий маркетинг тушунчалари ва замонавий сўзларининг қисқача изоҳли луғати

Бозорни позициялаш (market positioning) – бу мақсадли бозорларни танлаш бўйича маркетинг фаолиятининг йўналиши бўлиб, у орқали маркетинг комплексининг барча элементлари таҳлил қилиниб, алоҳида ажратиб олинган бозор сегментларида маҳсулотнинг шундай параметрлари аниқланадики, улар орқали бозорда рақобатбардошлик ҳолатига эришилади.
Корхона имкониятларининг ҳисоб-китоби ва таҳлили маҳсулотнингшундай тавсифномаси ҳамда маркетинг комплекси элементларини ажратиб олишга ёрдам берадики, натижада унинг маҳсулотини рақобатчи корхоналар маҳсулотларидан афзал (устун) бўлишга олиб келади.
Бозор сардори (лидери) (market leader) – бу тармоқдаги энг юқори бозор ҳиссасига эга бўлган корхоналардир. Бундай корхоналар, асосан, янги маҳсулотларни ишлаб чиқаришда, нархларни ўзгартириш соҳасида, турли тақсимот тизимларидан фойдаланишда ва маркетинг комплексининг бошқа элементлари бўйича ҳам етакчилик қиладилар. Корхоналар бозорда ҳамма вақт сардор бўлиб қолишлари учун ўз бозорлари ҳиссасини доимо орттириб боришлари ҳамда доимо ўзининг бизнесини рақобатчи корхоналар ҳужумларидан ҳимоя қилиб боришлари зарур.
Бренд (brand) - бу истеъмолчиларга бир компаниянинг товарлари ва хизматларини ажратиб туриш учун ёрдам берадиган белги, символ (логотип), сўз ва уларнинг бирикмаларидир. Бренд - бу истеъмолчиларни онги ва психологиясида жой олиб, кенг танилган савдо маркаси ёки компания (корхона) сифатида қабул килинади.
Брендинг (branding) - бу брендни ишлаб чиқиш ва яратишни, уни ҳаётга татбиқ этиш ҳамда ҳаётий даврини бошқариш компонетларини ўз ичига олган мураккаб бошқарув комплексидир. Брендинг - бу узоқ муддатли жараён ва юқори товар сифати кўрсатгичларига эришишнинг йўли бўлиб, бренд ҳаётий даврининг барчасида фаол маркетингни қўллаб-қувватлаши натижасида истеъмолчилар фаол иштирок этиб, аниқ бир брендни муҳлисига айланишидир. Рейтинг ёки танлов натижаларига кўра, оддий савдо маркаси номли товарни бренд деб қабул қилиш керак эмас. Бренд яратилади, эсда қолади ва энг аввало мақсадли харидорлар томонидан, уни афзал (яхши, дуруст) деб кўришдир.