М а р к е т и н г асосий маркетинг тушунчалари ва замонавий сўзларининг қисқача изоҳли луғати

Глобаль маркетинг (global marketing) - бу корхона учун янги бозор имкониятлари сифатида, милий сигментлардан ташқарида бўлган сегментларга йўналтирилган, маркетинг стратегияси ва комплексидир.
Гудвилл (goodwill) - бу тўғридан-тўғри ўлчов имконияти йўқ, корхона капиталининг номоддий активларини пулдаги баҳосидир. Масалан, корхонанинг обрўси, техник компетенцияси, иш фаолияти алоқалари, маркетинг усуллари, бизнес-ҳамкорлари ва истеъмолчиларига таъсири ва хоказолар.
GAP-тахлили (GAP-analysis) - бу корхонага маркетинг ички муҳитини, унинг бозор фаолиятига мос келишини баҳолашга имкон берувчи, маркетинг чора-тадбирлари тўпламидир (масалан, бозорга жўнатилган товар ассортиментларини талаб таркибига мос келиши, корхонани маҳсулоти ёки хизматини мақсадли истеъмолчилар томонидан, унинг рақобатчилари товарлари ёки хизматларига нисбатан қабул қилиниши ва хоказолар).
Д
Демографик бозор сегментацияси (demographic segmentation of market) – деганда, бозорни қуйидаги тавсифномага эга бўлган харидорлар гуруҳига бўлиш тушунилади: харидорнинг ёши ҳамда жинси, оилавий аҳволи, оиланинг ҳаётий даври, даромади, қайси иш билан шуғулланиши, маълумоти, қайси динга мансублиги, миллати ва ҳоказолар.
“Дженерал Электрик” матрицаси (General Electric matrix, GE matrix) – бу стратегик бизнес-бирликлари портфель таҳлили бўлиб, бизнес-позициялар учун стратегик қарорларни танлаш ва тармоқнинг жозибадорлиги, улар бозорнинг улуши, фойда ҳажми, нарх ҳолати, маҳсулот сифати, сотув самарадорлиги, ходимлар ишининг муваффақияти, ҳамда имиджга бевосита боғлиқдир.
Дифференциация (differentiation) – бу рақобат стратегияси бўлиб, бунга амал қилган корхона асосий кучини рақобатчи корхоналар маҳсулотларидан ҳар томонлама устунликка эга бўлган янги маҳсулотларни яратишга сарф этади ва ўз маркетинг фаолиятининг шундай йўналишларини танлайдики, бу унга рақобат курашида ғолиб чиқишга ёрдам беради.
Дифференциациянинг қуйидаги йўналишлари мавжуд: маҳсулот дифференциацияси, сервис дифференциацияси, персонал дифферен­циацияси ва имидж дифференциацияси.