M. A. Azizov umumiy gigiyena va ekologiya tibbiyot kollejlari uchun o‘quv qo‘llanma To‘rtinchi nashri

Bundan tashqari, yangi ovqat mahsulotlaridan standartlar ishlab chiqish ham tadbirkorlik sanitariya nazorati zimmasiga yuklanadi.

9. 
   §. KUNDALIK SANITARIYA NAZORATI
   

Sanitariya epidemiologiyasi nazorati xodimlari zimmasiga profilaktik nazoratdan tashqari, oziq-ovqat mahsulotlarini tashish, saqlash, taom tayyorlash va xo‘randalarga yetkazishgacha bo‘lgan davrda sanitariya nazorati olib borish yuklanadi.
Shuningdek, kundalik sanitariya nazorati xodimi tayyorlangan ovqatning iste’molchilarning fiziologik hamda gigiyenik ehtiyoj- larini qondira bilish, ovqatdan zaharlanish, yuqumli kasalliklar hamda gijjalar tarqalishining oldini olish vazifalarini bajaradi.
«Umumiy ovqatlanish korxonalarining loyihalar me’yori» asosan, ГОСТ bilan qonunlashtirilgan, bundan tashqari, Sog‘liqni saqlash vazirligining bosh sanitariya-epidemiologiya bo‘limi tomonidan «Umumiy ovqatlanish korxonalari uchun sanitariya qoidalari»da ko‘rsatilgan va tasdiqlangan.
Umumiy ovqatlanish korxonalari tuzilishiga ko‘ra bir xil bo‘ladi. Bunda, asosan, qancha xo‘randaga mo‘ljallangani hi- sobga olinadi.
Oshxona, asosan, xo‘randalar hamda ovqat tayyorlash (qozon- xona) (kirish-chiqish yo‘llari alohida) bo‘limlaridan iborat. Xo‘randalar uchun ajratilgan bo‘limda dahliz, kiyim yechi- ladigan joy, hojatxona, ovqatlanadigan zal (bufeti bilan) bo‘lishi kerak.
Ishlab chiqarish uchun ajratilgan qismga: oshxona xiz- matchilari uchun ishlash va dam olish xonasi, alohida hojatxona, dushxona, omborxonalar (sovitiladigan va sovitilmaydigan), ishlab chiqarish bo‘limlari (oshxona, go‘sht, baliq, sovuq taomlar tayyorlash, sabzavotlarni ishlash, qandolat mahsulotlarini tayyor­lash sexlari), yemakxona va oshxona, yuvish xonasi, yordamchi xonalar (ventilatsiya, qozonxona, o‘txona, bo‘sh idishlar saqla- nadigan omborlar va b.) kiradi.




Masalliqlarni hozirlab beradigan korxonalarda mahsulot- larning turiga qarab ishlov beradigan binolar bo‘lmaydi. Yarim- fabrikatlarni tekshirishga tayyorlash va to‘g‘rilash uchun bitta oldindan ishlov berish xonasi bo‘ladi.