Loyiha matni 49901-(61999)

49-modda. Tadbirkorlik subyekti-yuridik shaxsning ustav fondi (ustav kapitali)ni
koʻpaytirish va kamaytirish
Tadbirkorlik subyekti-yuridik shaxsning ustav fondi (ustav kapitali)ni koʻpaytirish va
kamaytirish ushbu kodeks va qonun hujjatlari bilan vakolat berilgan muassis (ishtirokchi), mulkdor yoki
boshqaruv organi qarori bilan ustavga oʻzgartirishlar kiritish yoʻli bilan amalga oshiriladi.

---

project.gov.uz
06.06.2022
21
Agar ikkinchi moliya yili va undan keyingi har bir moliya yili tugaganidan keyin yillik
buxgalteriya balansiga muvofiq tadbirkorlik subyekti – yuridik shaxsning sof aktivlari qiymati uning
ustav fondidan (ustav kapitalidan) oz boʻlib chiqsa, tadbirkorlik subyekti – yuridik shaxs oʻz ustav
fondini (ustav kapitalini) oʻzining sof aktivlari qiymatidan oshib ketmaydigan miqdorgacha kamaytirishi
shart.
2-§. Xoʻjalik jamiyatlari
50-modda. Aksiyadorlik jamiyati
Ustav fondi (ustav kapitali) muayyan aksiyalar soniga boʻlingan jamiyat aksiyadorlik jamiyati
hisoblanadi. Aksiyadorlik jamiyatining aksiyadorlari uning majburiyatlari boʻyicha javob bermaydilar va
jamiyat faoliyati bilan bogʻliq zarar uchun oʻzlariga qarashli aksiyalar qiymati doirasida javobgar
boʻladilar.
Aksiyalar haqini toʻliq toʻlamagan aksiyadorlar aksiyadorlik jamiyatining majburiyatlari
boʻyicha oʻzlariga qarashli aksiyalar qiymatining toʻlanmagan qismi doirasida solidar javobgar
boʻladilar.
Aksiyadorlik jamiyatlarining tashkil etilishi, faoliyati, qayta tashkil etilishi va tugatilishi,
shuningdek aksiyadorlarning huquqlarini himoya qilish sohasidagi munosabatlar Oʻzbekiston
Respublikasining “Aksiyadorlik jamiyatlari va aksiyadorlarning huquqlarini himoya qilish toʻgʻrisida”
Qonuni va boshqa qonunchilik hujjatlari bilan belgilanadi.