Loyiha matni 49901-(61999)

project.gov.uz
06.06.2022
18
muddati yakka tartibdagi tadbirkorni davlat roʻyxatidan oʻtkazish toʻgʻrisidagi guvohnomaning amal
qilish muddatidan oshmasligi kerak.
Yakka tartibdagi tadbirkor xodimlarning qonunchilikda belgilangan mehnat huquqlariga rioya
etilishini taʼminlashi shart.
Hunarmandchilik faoliyatini amalga oshirayotgan yakka tartibdagi tadbirkorlar tovarlar
tayyorlash (ishlar bajarish, xizmatlar koʻrsatish) uchun shogirdlarni ularga tegishlicha haq toʻlagan holda
jalb etishga haqlidir.
Yakka tartibdagi tadbirkorlar qonunchilikda belgilangan tartibda ijtimoiy himoyadan, xususan
pensiya taʼminotidan foydalanadi.
Xodimlarni yollagan holda faoliyatni amalga oshiradigan yakka tartibdagi tadbirkorlarni soliqqa
tortish Oʻzbekiston Respublikasining Soliq kodeksiga muvofiq amalga oshiriladi.
45-modda. Yakka tartibdagi tadbirkorlar tomonidan amalga oshiriladigan faoliyat turlari
Yakka tartibdagi tadbirkorlar qonunchilikda taqiqlanmagan har qanday faoliyatni amalga
oshirishga haqli, bundan ushbu moddaning ikkinchi qismida nazarda tutilgan holatlar mustasno.
Quyidagi faoliyat turlari yakka tartibdagi tadbirkorlar tomonidan amalga oshirilishi mumkin
emas:
benzin, dizel yoqilgʻisini yakuniy isteʼmolchilarga realizatsiya qilish, shu jumladan
avtomobillarga yoqilgʻi quyish shoxobchalari orqali realizatsiya qilish;
litsenziya, ruxsat berish va xabardor qilish talablari hamda shartlarida faoliyatni yuridik shaxs
tashkil etgan holda amalga oshirish nazarda tutilgan faoliyat turlari.
5-bob. Yuridik shaxs tashkil etgan holda tadbirkorlikni amalga oshirish
1-§. Umumiy qoidalar
46-modda. Yuridik shaxslarning turlari
Yuridik shaxs tashkil etgan holda tadbirkorlik quyidagi tashkiliy-huquqiy shakllarda amalga
oshiriladi:
aksiyadorlik jamiyati;
masʼuliyati cheklangan jamiyati;
qoʻshimcha masʼuliyatli jamiyat;
oilaviy korxona;
xususiy korxona;

---