Loyiha matni 49901-(61999)

project.gov.uz
06.06.2022
14
qilinadi.
38-modda. Tadbirkorlik subyektlarining tovar, moliya va raqamli bozorlarga erkin kirish
kafolatlari
Tadbirkorlik subyektlari tovar, moliya va raqamli bozorlarga erkin kirishda, shuningdek davlat
ehtiyojlari uchun tovarlarning ayrim turlarini yetkazib berishda qatnashishda, ishlar bajarish va xizmatlar
koʻrsatishda teng imkoniyatlarga ega. Tadbirkorlik faoliyati subyektlarining tovar, moliya va raqamli
bozorlarga kirishi davlat organlari, shuningdek ularning mansabdor shaxslari tomonidan biron-bir tarzda
cheklanishiga yoʻl qoʻyilmaydi.
Davlat organlari davlat ehtiyojlari uchun tovarlarni ishlab chiqarish (ishlarni bajarish, xizmatlarni
koʻrsatish) va yetkazib berishga doir buyurtmalarni tadbirkorlik faoliyati subyektlari oʻrtasida
joylashtirish choralarini koʻradi.
Oʻzbekiston Respublikasi Vazirlar Mahkamasi tomonidan tadbirkorlik subyektlarining tovar,
moliya va raqamli bozorlarga kirishiga doir boshqa alohida shartlar belgilanishi mumkin.
39-modda. Tadbirkorlik subyektlari mol-mulki natsionalizatsiya, musodara va rekvizitsiya
qilinmasligining kafolatlari
Tadbirkorlik subyektlarining mol-mulki natsionalizatsiya va musodara qilinmaydi, bundan
qonunda nazarda tutilgan hollar mustasno.
Xususiy mulk boʻlgan mol-mulkni, shu jumladan yer uchastkasini natsionalizatsiya va
rekvizitsiya qilingan hollarda olib qoʻyish, agar qonunda boshqacha qoida nazarda tutilmagan boʻlsa,
mulkdorga uning bozor qiymati, shuningdek bunday olib qoʻyish munosabati bilan mulkdorga
yetkazilgan zararning oʻrni toʻla qoplanishi sharti bilangina amalga oshiriladi.
Tadbirkorlik subyektlarining mol-mulki rekvizitsiya qilinmaydi, bundan tabiiy ofatlar,
avariyalar, epidemiyalar, epizootiyalar va favqulodda xususiyatdagi boshqa holatlar mustasno boʻlib,
bunda mulkdorga rekvizitsiya qilinayotgan mol-mulkning qiymati toʻlanadi. Rekvizitsiya qilish
toʻgʻrisidagi qaror qonunchilikda belgilangan tartibda va shartlarda davlat organlari tomonidan qabul
qilinadi.
Tadbirkorlik subyektlari natsionalizatsiya, musodara va rekvizitsiya qilish toʻgʻrisidagi qaror
ustidan sud tartibida shikoyat qilishga haqli.