Loyiha matni 49901-(61999)

166-modda. Litsenziyalanadigan, ruxsat berish tartib-taomillaridan oʻtish yoki xabardor
qilish talab etiladigan faoliyat (harakatlar) turlarini (kichik turlarini) joriy etish
Oʻzbekiston Respublikasining “Litsenziyalash, ruxsat berish va xabardor qilish tartib-taomillari
toʻgʻrisida”gi Qonunining 1, 2 va 3-ilovalarida nazarda tutilmagan litsenziyalanadigan, ruxsat berish
tartib-taomillaridan oʻtish yoki xabardor qilish talab etiladigan faoliyatning (harakatning) yangi turlarini
(kichik turlarini) joriy etish taqiqlanadi.
13-bob. Texnik jihatdan tartibga solish
167-modda. Texnik jihatdan tartibga solish
Texnik jihatdan tartibga solish tovar (ish, xizmat)lar xavfsizligiga doir majburiy talablarni
belgilash, qoʻllash va bajarishdan iborat.
Quyidagilar texnik jihatdan tartibga solishning asosiy vazifalari hisoblanadi:
inson hayoti va sogʻligʻi, jismoniy va yuridik shaxslarning hamda davlatning mol-mulki
xavfsizligini taʼminlash;
atrof muhit muhofaza qilinishini, shuningdek tabiiy resurslardan oqilona foydalanilishini
taʼminlash;
savdodagi texnik toʻsiqlarni bartaraf etish;
tovar (ish, xizmat)lar xavfsizligi xususida isteʼmolchilarni chalgʻituvchi harakatlarning oldini
olish.
168-modda. Texnik jihatdan tartibga solish subyekti va obyekti
Jismoniy va yuridik shaxslar, davlat organlari texnik jihatdan tartibga solish subyektlari
hisoblanadi.

---

project.gov.uz
06.06.2022
79
Tovar (ish, xizmat), uni loyihalash, ishlab chiqarish, ishlatish (undan foydalanish), montaj qilish,
sozlash, saqlash, tashish, realizatsiya qilish va utilizatsiya qilish, bajariladigan ishlar va koʻrsatiladigan
xizmatlarning holati texnik jihatdan tartibga solish obyekti hisoblanadi.
169-modda. Texnik jihatdan tartibga solish sohasidagi normativ hujjatlar
Texnik reglamentlar, standartlashtirishga doir normativ hujjatlar, sanitariya, veterinariya,
veterinariya-sanitariya, fitosanitariya qoidalari va normalari, shaharsozlik normalari hamda qoidalari,
ekologik normalar va qoidalar hamda texnik jihatdan tartibga solish sohasidagi boshqa hujjatlar texnik
jihatdan tartibga solish sohasidagi normativ hujjatlar hisoblanadi.
Milliy qonunchilikda iqtisodiyotning ayrim tarmoqlari uchun xalqaro va xorijiy texnik jihatdan
tartibga solish sohasidagi normativ hujjatlardan foydalanishga ruxsat beriladi.