Loyiha matni 49901-(61999)

155-modda. Firma nomida koʻrsatilishi lozim boʻlmagan belgilar
Firma nomida:
1) davlatning, davlat organlari va tashkilotlarining rasmiy nomi, xalqaro, hukumatlararo yoki
nodavlat notijorat tashkilotining qisqartirilgan yoki toʻliq nomi;
2) tarixiy yoki Oʻzbekiston Respublikasida mashhur boʻlgan shaxsning toʻliq yoki qisqartirilgan
ismi, belgilangan tartibda beriladigan ruxsatsiz;
3) firma nomining egasi, uning faoliyat turi yoki u kelib chiqqan mamlakat xususidagi soxta yoki

---

project.gov.uz
06.06.2022
75
isteʼmolchini chalgʻitishi mumkin boʻlgan belgilar;
4) jamiyat manfaatlariga, insonparvarlik va axloq prinsiplariga zid boʻlgan belgilar
koʻrsatilmasligi kerak.
Firma nomida:
1) ilgari Oʻzbekiston Respublikasida boshqa yuridik shaxs nomiga roʻyxatdan oʻtkazilgan yoki
roʻyxatdan oʻtkazish soʻrab talabnoma berilgan, ilgariroq ustuvorlikka ega boʻlgan firma nomlari;
2) ilgari Oʻzbekiston Respublikasida boshqa shaxs nomiga roʻyxatdan oʻtkazilgan yoki
roʻyxatdan oʻtkazish soʻrab talabnoma berilgan, shuningdek Oʻzbekiston Respublikasining xalqaro
shartnomalariga muvofiq roʻyxatdan oʻtkazilmay muhofaza qilinadigan tovar belgilari (xizmat koʻrsatish
belgilari);
3) belgilangan tartibda hammaga maʼlum deb eʼtirof etilgan tovar belgilari (xizmat koʻrsatish
belgilari);
4) belgilangan tartibda qonunchilik bilan muhofaza qilinadigan tovarlar kelib chiqqan joylarning
nomlari bilan, bundan shunday nomdan foydalanish huquqiga ega boʻlgan shaxs nomiga roʻyxatdan
oʻtkazish hollari mustasno, adashtirib yuborish darajasida bir xil yoki ularga oʻxshash boʻlgan belgilar
ham koʻrsatilmasligi kerak.
Ushbu modda birinchi qismining 1-bandida koʻrsatib oʻtilgan belgilar, agar bunga tegishli davlat
organining yoki tashkilotning ruxsati boʻlsa, firma nomiga kiritilishi mumkin.