Loyiha matni 49901-(61999)

---

1
OʻZBEKISTON RESPUBLIKASI QONUNI
Ўзбекистон Республикасининг Тадбиркорлик кодекси
QL-461/22-5
I BOʻLIM. UMUMIY QOIDALAR
1-bob. Tadbirkorlik subyektlari va davlat oʻrtasidagi oʻzaro munosabatlarning huquqiy
asoslari
1-modda. Ushbu Kodeksning maqsadi va asosiy vazifalari
Ushbu Kodeksning maqsadi tadbirkorlik sohasidagi munosabatlarni tartibga solishdan iborat.
Ushbu Kodeksning asosiy vazifalari jismoniy va yuridik shaxslarning tadbirkorlik faoliyatida
erkin ishtirok etishi va undan manfaatdor boʻlishi uchun kafolatlar hamda sharoitlar yaratishdan, xususiy
mulk, shuningdek tadbirkorlik subyektlarining huquqlari va qonuniy manfaatlarini himoya qilishdan
iborat.
2-modda. Tadbirkorlik toʻgʻrisidagi qonunchilik hujjatlari
Oʻzbekiston Respublikasining tadbirkorlik sohasidagi qonunchiligi Oʻzbekiston Respublikasi
Konstitutsiyasiga asoslangan boʻlib, ushbu Kodeks va boshqa qonunchilik hujjatlaridan iborat.
Notijorat tashkilotlarga nisbatan ushbu Kodeks ular faoliyatining oʻz xususiyatiga koʻra
tadbirkorlikdan iborat boʻlgan qismiga tatbiq etiladi.
Agar Oʻzbekiston Respublikasining xalqaro shartnomasida Oʻzbekiston Respublikasining
tadbirkorlik toʻgʻrisidagi qonunchilik hujjatlarida nazarda tutilganidan boshqacha qoidalar belgilangan
boʻlsa, xalqaro shartnoma qoidalari qoʻllaniladi.
Boshqa qonunchilik hujjatlaridagi tadbirkorlikka oid normalar ushbu Kodeksga mos boʻlishi
shart.
3-modda. Tadbirkorlik tushunchasi va uni huquqiy tartibga solish chegaralari

---

06.06.2022
2
Tadbirkorlik tadbirkorlik subyektlari tomonidan qonunchilikka muvofiq amalga oshiriladigan,
oʻzi tavakkal qilib va oʻz mulkiy javobgarligi ostida daromad (foyda) olishga qaratilgan tashabbuskorlik
faoliyatidir.
Tadbirkorlik faoliyatini cheklashga sud tartibida yoki ushbu Kodeksda belgilangan hollarda yoʻl
qoʻyiladi.