Loyiha matni 49901-(61999)

175-modda. Narx va tariflarning davlat tomonidan vaqtincha tartibga solinishi
Mamlakatda shakllangan (mavjud) ijtimoiy-iqtisodiy holatdan kelib chiqib, respublika miqyosida
yoki Qoraqalpogʻiston Respublikasi, viloyatlar yoxud Toshkent shahrida narx va tariflar vaqtincha
tartibga solinishi mumkin. Bunda narx va tariflarni vaqtincha tartibga solish Oʻzbekiston Respublikasi
Vazirlar Mahkamasi tomonidan amalga oshiriladi.
Narx va tariflari davlat tomonidan vaqtincha tartibga solinadigan tovar (ish, xizmat)lar uchun
narx va tariflar bir kalendar yil davomida toʻqson kalendar kundan oshmagan muddatga tartibga solinishi
mumkin.
Narx va tariflari davlat tomonidan vaqtincha tartibga solinadigan tovar (ish, xizmat)lar roʻyxati
Oʻzbekiston Respublikasi Vazirlar Mahkamasi tomonidan tasdiqlanadi.
176-modda. Narx va tariflarni tartibga solish sohasidagi qonunchilik hujjatlariga rioya
qilinishi ustidan davlat nazorati
Narx va tariflarni tartibga solish sohasidagi qonunchilik hujjatlariga rioya qilinishi ustidan davlat
nazorati narx va tariflarni qonunga xilof ravishda va asossiz oʻrnatish, oʻzgartirish va qoʻllash bilan
bogʻliq qoidabuzarliklarni oldini olish, aniqlash hamda bartaraf etish maqsadida amalga oshiriladi.
Davlat tomonidan tartibga solinadigan narx va tariflarning toʻgʻri shakllantirilishi va
qoʻllanilishi, shuningdek, tovar yoki moliya bozorida ustun mavqega ega boʻlgan xoʻjalik yurituvchi
subyektlar tomonidan narx va tariflar toʻgʻri shakllantirilishi hamda monopol yuqori va monopol past
narxlar qoʻllanilmasligi davlat tomonidan nazorat qilinadi.
Narx va tariflari tartibga solinadigan tovar (ish, xizmat)lar uchun narx va tariflar toʻgʻri

---

project.gov.uz
06.06.2022
82
shakllantirilishi va qoʻllanilishini davlat tomonidan nazorat qilish monopoliyaga qarshi kurashish organi
tomonidan amalga oshiriladi.