Loyiha matni 49901-(61999)

172-modda. Ijtimoiy muhim tovar (ish, xizmat)lar uchun narx va tariflarni tartibga solish
shartlari
Ijtimoiy muhim tovar (ish, xizmat)lar quyidagi mezonlarga javob bergan holda tartibga
solinadigan tovar (ish, xizmat)lar roʻyxatiga kiritiladi:
tovar (ish, xizmat)larning isteʼmolchilar oʻrtasida xaridorgirligi;
tovarlarni ishlab chiqarish (ishlarni amalga oshirish, xizmatlarni koʻrsatish) aniq tashkilotlarga
yuklangani;
alohida tovarlarni ishlab chiqarishga (ishlarni amalga oshirishga, xizmatlarni koʻrsatishga) davlat
monopoliyasi oʻrnatilgani.
173-modda. Ijtimoiy muhim tovar (ish, xizmat)lar uchun narx va tariflarni tartibga solish
shakl va usullarini qoʻllash shartlari

---

project.gov.uz
06.06.2022
81
Ushbu Kodeks 171-moddasi ikkinchi qismining 3-bandida nazarda tutilgan tovar (ish, xizmat)lar
uchun narx va tariflarni toʻgʻridan-toʻgʻri tartibga solish shakllaridan foydalangan holda tartibga solish
bilvosita tartibga solish shakllaridan foydalanilgandan soʻng amalga oshiriladi. Bunda narx va tariflarni
toʻgʻridan-toʻgʻri tartibga solish bilvosita tartibga solish shakllarini qoʻllashdan koʻzlangan natijaga
erishilmagan taqdirda amalga oshirilishiga yoʻl qoʻyiladi.
174-modda. Narx va tariflari davlat tomonidan tartibga solingan tovar (ish, xizmat)larga
tadbirkorlik subyektlari tomonidan boshqa narx va tariflar belgilanishi
Tadbirkorlik subyektlari davlat tomonidan narx va tariflari tartibga solingan tovar (ish,
xizmat)lar uchun narx va tariflarni mustaqil pasaytirishi huquqiga egadir, bundan alkogol mahsulotlari
uchun ulgurji-sotish va chakana narxlari mustasno. Bunda ushbu tovar (ish, xizmat)lar uchun tadbirkorlik
subyektlari tomonidan narx va tariflar mustaqil pasaytirilishi monopol past narxlar oʻrnatilishiga olib
kelmasligi, shuningdek narx va tariflarni pasaytirish bir vaqtning oʻzida barcha isteʼmolchilar uchun
amalga oshirilishi kerak.