Loyiha matni 49901-(61999)

218-modda. Noqonuniy tekshiruvlar va ularning oqibatlari
Tekshiruvlar quyidagi holatlarda noqonuniy hisoblanadi:
Tekshiruvlarni elektron roʻyxatga olish yagona tizimida roʻyxatga olinmasdan oʻtkazilgan boʻlsa;
ushbu Kodeksning 201-moddasida tekshiruv oʻtkazish uchun nazarda tutilgan asoslar mavjud
boʻlmaganda;
tadbirkorlik subyektining rahbari yoki uning oʻrnini bosuvchi shaxsning ishtirokisiz oʻtkazilgan
boʻlsa.
Noqonuniy tekshiruvlar oʻtkazilmagan deb hisoblanadi va ular oʻtkazilgan paytda aniqlangan
qoidabuzarliklar tadbirkorlik subyektlarini javobgarlikka tortish uchun asos boʻlmaydi.
219-modda. Tekshiruvdan keyingi tahlil
Oʻtkazilgan tekshiruvlar natijalari boʻyicha nazorat qiluvchi organlar tomonidan tadbirkorlik
subyektlarining qonunchilik hujjatlarini tizimli ravishda buzilishi sabablarini aniqlashga qaratilgan
tekshiruvdan keyingi tahlil oʻtkaziladi.
Tekshiruvdan keyingi tahlil faqat oʻtkazilgan tekshiruv natijalaridan olingan maʼlumotlar asosida
amalga oshiriladi.
Tekshiruvdan keyingi tahlil davomida nazorat qiluvchi organlar tomonidan qonunchilik
hujjatlarining tizimli ravishda buzilishi sabablari umumlashtiriladi, uning natijalariga koʻra kelgusida
profilaktik tadbirlarni amalga oshirish uchun tadbirkorlik subyektlari faoliyatidagi huquqbuzarliklarni
ogohlantirish boʻyicha takliflar ishlab chiqiladi.
Tekshiruvdan keyingi tahlilni oʻtkazishda tadbirkorlik subyektlarining faoliyatiga aralashish, har
qanday qoʻshimcha maʼlumot va hujjatlarni talab qilish, ularning huquq, erkinlik va qonuniy
manfaatlarini cheklash, tekshiruvlar oʻtkazish va huquqiy taʼsir choralarni qoʻllashga yoʻl qoʻyilmaydi.

---

project.gov.uz
06.06.2022
109
220-modda. Tadbirkorlik subyektlar va nazorat qiluvchi organlarning mansabdor