Loyiha matni 49901-(61999)

215-modda. Tadbirkorlik subyekti tomonidan nazorat qiluvchi organning qarorini
bajarish
Tadbirkorlik subyekti belgilangan muddatlarda aniqlangan kamchilik va qonun buzilishlarni
bartaraf etishga, ularni takroran yoʻl qoʻymaslik boʻyicha choralar koʻrishga, yetkazilgan zararlarni
qoplashga, amalga oshirilgan ish va uning natijasi boʻyicha xabardor qilishga majbur hamda nazorat
qiluvchi organning qarorida nazarda tutilgan boshqa talablarni bajarishi lozim.
Tadbirkorlik subyekti tomonidan qarorning ijrosini tasdiqlovchi maʼlumotlar taqdim etilmagan
yoki oʻz vaqtida taqdim etilmagan, shuningdek qarorning aniqlangan qoidabuzarliklarni bartaraf etish
qismi lozim darajada bajarilmaganligi aniqlangan taqdirda, nazorat qiluvchi organ tadbirkorlik subyektini
qonun hujjatlarida belgilangan tartibda javobgarlikka tortish choralarini koʻradi.

---

project.gov.uz
06.06.2022
107
216-modda. Nazorat qiluvchi organlarning qarorlari, ularning mansabdor shaxslari
harakatlari (harakatsizligi) ustidan shikoyat qilish
Tadbirkorlik subyektlari nazorat qiluvchi organlarning qarorlari hamda ularning mansabdor
shaxslari harakatlari (harakatsizligi) va qarorlari ustidan oʻz ixtiyorlariga koʻra boʻysunuvi boʻyicha
yuqori turuvchi organga yoki mansabdor shaxsga yoxud bevosita sudga, shuningdek boshqa vakolatli
organlarga qonun hujjatlarida belgilangan tartibda shikoyat qilish huquqiga ega.
Shikoyatni yuqori turuvchi organ yoki mansabdor shaxsga berilishi, tadbirkorlik subyektini
xuddi shunday shikoyatni sud va (yoki) boshqa vakolatli organlarga yuborish huquqidan mahrum
qilmaydi.
Shikoyatni yuqori turuvchi organ yoki sudga berilishi, ustidan shikoyat qilinayotgan qaror yoki
harakatning ijrosini yuqori turuvchi organning shikoyat yuzasidan qarori qabul qilingunga qadar yoki
tegishincha sudning qarori qonuniy kuchga kirgunga qadar toʻxtatib turadi, bundan favqulodda
vaziyatlar, epidemiyalar hamda aholining hayoti va sogʻligʻi uchun boshqa haqiqiy xavf yuzaga
kelishining oldini olish bilan bogʻliq harakat va qarorlar mustasno. Tadbirkorlik subyekti shikoyatni
yuqori turuvchi organ yoki sudga berilganligi toʻgʻrisida tegishli hujjatlarni ilova qilgan holda mansabdor
shaxsning harakatlari yoki qarori shikoyat qilinayotgan nazorat qiluvchi organni xabardor qilishi lozim.