Лойиҳа матни 13508-(15737)

project.gov.uz
08.05.2020
19
Ўйин майдончаларининг оптимал ўлчамини мактабгача ёшдаги болалар учун – 70–150 кв.м,
мактаб ёшидагилар учун – 100–300 кв.м, мажмуавий ўйин майдончалари – 900–1600 кв.м бўлади.
Бунда, мактабгача ёшдаги болалар майдончаларини катталар дам олиш майдонлари билан
бирлаштириш мумкин (майдонча ўлчами – камида 150 кв. м). Ёнма-ён жойлашган майдончаларни
зич яшил экилмалар ва (ёки) декоратив деворлар билан ажратиш керак.
105. Болалар майдончалари пиёдаларнинг транзит ҳаракатланиш, ўтиш жойлари, айланма йўллар,
меҳмонлар тўхташ жойларидан, чиқинди йиғиш мосламаларини ўрнатиш майдонлари,
автотранспорт воситаларини доимий ва вақтинча сақлайдиган жойлардан ажратилади. Болалар
майдончаларига бориш жойларини ўтиш жойлари ва кўчалардан ташкил этмаслик керак. Болалар
майдончаларини яшил майдонлар (дарахтлар, буталар) билан ажратилган шароитда, болалар
майдончалари чегараларидан меҳмонлар тўхташ жойлари ва транспорт воситаларининг доимий ва
вақтинча сақланадиган жойларигача бўлган энг кичик масофани санитария меъёрларига мувофиқ,
чиқинди йиғиш жойларигача – 15 м, шаҳар йўловчи транспортининг охирги тўхташ жойларидаги
тўхташ–қайрилиш майдончаларигача бўлган масофа – камида 50 м этиб белгилаш лозим.
106. Болалар майдончаларини реконструкция қилишда жароҳатланишларнинг олдини олиш учун
майдонча ҳудудида илдизларнинг чиқиб туриши ёки шохларнинг жуда пастда осилиб туриши, ер
устида жойлашган эски, кесилган жиҳозларнинг (устунлар, пойдеворлар) қолдиқлари, ерга
кўмилмаган металл кўприклар (одатда турниклар ва арғимчоқларда) мавжуд бўлмаслиги лозим.
Туташ ҳудудларни реконструкция қилишда болалар майдончаларини ишлар олиб бориладиган ва
қурилиш материалларини сақлаш жойларидан ажратиб қўйиш зарур.
107. Дам олиш майдончалари, одатда, катта ёшдаги аҳолининг тинч дам олиши ва стол
ўйинларига мўлжалланган бўлиб, улар турар жой ҳудудларига жойлаштирилади. Яяшаш жойлари
ва маҳалланинг яшил майдонларида, истироҳат ва ўрмон боғларида жойлаштирилиши ҳам
мумкин. Дам олиш майдончаларида ўтиш йўлаклар, ўтиш жойлари, бекатлардаги транспортга
чиқиш (миниш) майдончалари, айланиб қайрилиш жойларига яқин жойлашган бўлиши, улар ва
дам олиш майдончаси ўртасида кенглиги камида 3 м бўлган кўкаламзорлаштирилган (бута,
дарахтлар) йўлак бўлиши керак. Дам олиш майдончаси чегарасидан автомобиллар сақланадиган
жойгача бўлган масофани санитария меъёрларига мувофиқ келиши, шаҳар йўловчи ташиш
транспорти йўналишларининг сўнгги бекатларидаги тўхташ–қайтиш майдончаларидан камида 50
м масофада қабул қилиш керак. Турар–жой бинолари деразаларидан дам олиш жойлари
чегараларигача бўлган масофани камида 10 м, шовқинли стол ўйинлари майдончасигача – камида
25 м белгилар зарур.
108. Турар–жой ҳудудларидаги дам олиш майдончаларини бир киши 0,1–0,2 кв.м ҳисобидан
лойиҳалаштириш керак. Майдончанинг мақбул ўлчами 50–100 кв.м, дам олиш майдончасининг
энг кичик ўлчами камида 15–20 кв.м. бўлади.
109. Дам олиш майдончасида қаттиқ қопламалар, майдонча юзасини майсазор билан боғлайдиган
элементлар, кўкаламзор, дам олиш ўриндиқлари ва столлар, чиқинди қутилари (ҳар бир ўриндиқ
учун камида биттадан) ва ёритиш мосламалари бўлиши керак.
Майдончанинг қопламаси, плиткали қоплама кўринишида лойиҳалаштирилади. Дам олиш ва
болалар майдончаларини ҳамда болалар ўйнайдиган ҳудудда қаттиқ қопламалар ўрнатилмайди.
Ёруғлик мосламаларининг ишлаши майдонча жойлашган ҳудуднинг ёритиш режимида
таъминланиши керак.
Стол ўйинлари учун белгиланган битта стол (стуллари билан) ўрнатилган майдоннинг минимал
ҳажми 12–15 квадрат метр атрофида бўлиши керак.

---