Лойиҳа матни 13508-(15737)

project.gov.uz
08.05.2020
59
маҳаллий ҳокимият органларига зараркунандалар ва касалликларнинг оммавий пайдо бўлиш
ҳолатлари ҳақида ахборот етказади ва уларга қарши чоралар кўради, дарахтлардаги жароҳатлар ва
кавакларни сувайдилар;
тўсиқлар ва яшил дов-дарахтларни ўз вақтида таъмирлайдилар.
63. Яшил дарахтлар майдонларида қуйидагилар тақиқланади:
дарахтлар, буталар, шохлар ва бутоқларни синдириш, япроқ ва гулларни узиш, меваларни уриб
тушириш ва териш;
чодирлар ўрнатиш ва гулхан ёқиш;
газонлар, гулзорлар, йўлаклар ва сув ҳавзаларини ифлослантириш;
ҳайкаллар, ўриндиқлар, тўсиқларга зарар етказиш;
дарахтлардан шарбат олиш, кесиш, ёзиш, дарахтларга эълонлар, рақамли белгилар, кўрсаткичлар,
симлар ёпиштириш, тўр беланчаклар, арғимчоқ, арқон осиш учун дарахтларга илмоқ ва мих
қоқиш, шохларда кир қуритиш;
велосипед, мотоцикл, от, трактор ва автомашиналарда юриш;
автотранспорт воситаларини ювиш, кир ювиш, шунингдек ҳайвонларни яшил дарахтлар ҳудудида
жойлашган сув ҳавзаларида чўмилтириш;
автотранспорт воситаларини газон устида тўхтатиш;
чорва молларини боқиш;
музли сирпанчиқ ва қор уюмларини қуриш, чанғи, коньки, чаналарда учиш, ўйин, рақслар
уюштириш, ушбу мақсадлар учун ажратилган жойлар бундан мустасно;
дарахтларни шикастланишдан ҳимоя қилишни кафолатлайдиган ҳимоя воситалари билан
тўсмасдан қурилиш ва таъмирлаш ишларини бажариш;
дарахт илдизларини танасидан 1,5 м яқинроқ бўлган масофада яланғочлаш ва дарахт бўйинларини
тупроқ ёки қурилиш чиқиндилари билан тўлдириш;
яшил дарахтлар ҳудудида материалларни жойлаштириш, шунингдек туташ ҳудудларда яшил
дарахтларнинг зараркунандаларини тарқалишига ёрдам берадиган материал омборларини қуриш;
чиқинди, қор ва муз уюмларини ташкил қилиш, дарахт ва буталарнинг бутунлигини
таъминлайдиган чораларни кўрмасдан, яшил дарахтларга эга бўлган участкаларга томлардан қор
ташлаш;
ўсимлик тупроғи, қум қазиб чиқариш ва бошқа қазиш ишларини бажариш;
парк, ўрмон парклари, хиёбон ва бошқа яшил дарахтлар ҳудудларида итларни айлантириш ва
арқондан бўшатиб юбориш;
умумий фойдаланишдаги ҳудудда барглар ва чиқиндиларни ёқиш.
64. Дарахтларни ноқонуний кесган ёки шикастлаган айбдор шахслар зарарларни қоплайди.
65. Туман (шаҳар) чегарасидаги қурилиш ёки ер ости коммуникацияларини ётқизиш, юқори
вольтли линиялар ва бошқа иншоотларни ўрнатиш ҳудудидаги дарахт ва буталарни кесиш фақат
туман (шаҳар) ҳокимлигининг ёзма рухсати бўйича амалга оширилади.

---