Лойиҳа матни 13508-(15737)

2-боб. Ҳудудларни ободонлаштиришда қўйиладиган умумий талаблар
6. Юридик ва жисмоний шахслар – аҳоли пунктидаги бино ва иншоотларнинг мулкдорлари ёки
фойдаланувчилари, шу жумладан бино ва иншоотларнинг ижарачилари ўзларига бириктирилган
ер участкаси ҳудудида ободонлаштириш ишлари амалга оширилиши учун масъулдир.
7. Бинолар ёки иншоотларнинг мулкдорлари ёки фойдаланувчилари бино ва иншоотларнинг
ташқи қиёфасини қониқарли даражада сақланишини таъминлайди. Заруриятга кўра, бинолар ва
иншоотларнинг ташқи кўринишини ҳудудий архитектура ва қурилиш органлари билан келишган
ҳолда ўзгартиради.

---

project.gov.uz
08.05.2020
53
Бино ва иншоотларга туташ ер майдонларида ободонлаштириш ишларини амалга оширадилар,
кўкаламзорлаштириш ҳудудларида дарахтлар ва гуллар ўтқазишни, суғоришни ва
парвариш қилишни таъминлайдилар, дарахтлар касалланишини олдини олиш, оҳак суртиш, шакл
бериш ва дарахтларни кесиш ишларини амалга оширадилар.
Ҳудудларнинг одамлар ўтадиган қисмлари атрофида қурилиш материаллари бўлаклари, асбоб-
ускуналар, қурилиш ва маиший чиқиндилар тўпланишини, йўл четлари, ўтиш жойлари ва
йўлакларни ифлосланишининг олдини оладилар.
Шунингдек, қурилиш ишларини бажаришда эстетик кўринишни таъминлаш ва хавфсизлик
техникасига риоя этиш мақсадида қурилиш майдончалари атрофини сифатли тўрлар ва
панжаралар билан ўралишини таъминлайдилар.
Бундан ташқари, ер ости ва ер усти муҳандислик тармоқларининг техник ҳолатини техник
шартларда белгиланган тартибда сақлайдилар.
8. Аҳоли пунктларининг умумий фойдаланиладиган ҳудудларида иморатлар ва иншоотлар барпо
этишга фақат ҳудудлардан фойдаланишнинг белгиланган мақсадларига мувофиқ рухсат этилади.
9. Юридик ва жисмоний шахслар аҳоли пунктларининг умумий фойдаланиладиган ҳудудларида
участкалар, йўллар ва ариқ тармоқларидан ташқари, енгил кўринишдаги иморатлар ва иншоотлар
(савдо палаткалари, дўкончалари, реклама иншоотлари) қуриши учун ижара шартларида
вақтинчалик фойдаланиш мақсадида қонунчиликда белгиланган тартибда берилади.