|
Chanoq bo’shlig'i va uning devorlarida limfa tugunlar vistseral va parietal chuqurlar bo’lib joylashadi.
Vistseral limfa tugunlari nodi lymphatici vescerales kichik chanoq bo’shlig'ida joylashgan ichki a’zolar yonida joylashadi. Bularga qovuq yonidagi limfa tugunlari, nodi lymphatici paravesiculares barchadan keng boylami ichida joylashgan bachadon yonidagi limfa tugunlari, nodi lymphatici parauterini biroz pastroqda qin yonidagi limfa tugunlar, nodi lymphatici paravaginalis kiradi. To’g’ri ichakning pastki qismini yon tomonlarida to’g’ri ichak yonidagi limfa tugunlar (1-10), nodi lymphatici pararectales bor. bu tugunlardan chiqqan olib ketuvchi limfa tomirlari umumiy yonbosh va aorta osti limfa tugunlariga yo’naladi.
Chanoqning parietal limfa tugunlari, nodi lymphatici parietalis chanoq devorida yirik qon tomirlar atrofida joylashgan. kichik chanoqning yon devorida ichki yonbosh arteriyasi bўylab 4-8 ichki yonbosh limfa tugunlari joylashgan. Dumg'aza suyagining oldingi yuzasida 2-3 dumІaza limfa tugunlari joylashgan bo’lib, chanoq devori va to’g’ri ichakdan limfa keladi. Bu tugunlardan chiqqan olib ketuvchi limfa tomirlari tashqi va umumiy yonbosh tugunlariga qo’yiladi. Tashqi yonbosh limfa tugunlari, nodi lymphatici externa (2-12) bo’lib tashqi yonbosh arteriya va vena bo’ylab zanjir shaklida joylashadi.
Ustki va pastki dumba arteriyalari yonida joylashgan limfa tugunlariga qon orqa yuzasi va dumba sohasi to’qimalaridan va kichik chanoq devoridan olib keluvchi tomirlari keladi.
Ichki va tashqi yonbosh limfa tugunlaridan chiqqan olib, ketuvchi limfa tomirlari umumiy yonbosh limfa tugunlariga, nodi lymphatici iliaca communes yo’naladi.
Umumiy yonbosh limfa tugunlaridan chiqqan olib ketuvchi limfa tomirlari qorin aortasi va pastki kavak vena yonida joylashgan (bel limfa tugunlariga qo’yiladi).
Qorin bo’shlig'ini limfa tomirlari va tugunlari
Qorin bo’shlig'ida ham vistseral va parietal limfa tugunlari tafovut qilinadi.
Visseral limfa tugunlari qorin aortasining toq vistseral arteriyalari va ularning shoxlari atrofida joylashadi.
Qorin o’zani atrofida joylashgan, nodi lymphatici coeliaci (1-5)larga me’da, me’da osti bezi, taloq, buyrak va jigar limfa tugunlaridan chiquvchi olib ketuvchi limfa tomirlari keladi. Bu tugunlariga, shuningdek ko’krak limfa tomirlari bel limfa tugunlariga, shuninigdek ko’krak limfa yo’lining boshlanish qismiga qo’yiladi.
Me’daning limfa tugunlar, nodi lymphatici gastrici me’daning katta va kichik egriliklari bo’ylab, arteriyalar yo’nalishda joylashadi. Ular bir necha guruҳga: 1. chap me’da limfa tugunlariga, nodi lymphdtici gastrici sinistri (7-38) me’daning kichik egriligidan kelayotgan limfa tomirlar qo’yiladi. 2. kardial limfa tugunlariga (I-II) nodi lymphatici cardiaci, me’daning kardial qismidan kelayotgan limfa tomirlar qo’yiladi. 3. pilorik limfa tugunlariga nodi lymphatici pylorici me’daning chiqish qismi va me’da osti tezining boshidan kelayotgan limfa tomirlar qo’yiladi. 4. O’ng me’da-charvi limfa tugunlariga, nodi lymphatici dasrromentalis dextra me’da katta egriligini o’ng tomoni va katta charvidan keluvchi limfa tomirlar qo’yiladi. 5. chap me’da charvi limfa tugunlariga, nodi lymphatici dastroomentalis sinistra me’da katta egirilikdagi chap tomoni va katta charvidan keluvchi limfa tomirlar qo’yiladi.
Me’da osti bezining yuqorigi chekkasidagi taloq qon tomirlari yonida joylashgan pankreatik limfa tugunlariga, nodi lymphatici dasroomentalis sinistra me’da katta egriligini chap tomoni va katta charvidan keluvchi limfa tomirlar qo’yiladi.
Taloq darvozasida joylashgan taloq limfa tugunlari, nodi lymphatici lienales, me’daning tubi, chap me’da-charvi limfa tugunlari va taloq kapsulasida kelayotgan limfa tomirlari qo’yiladi. Me’da osti bezining boshi va o’n ikki barmoqli ichak devoridan keluvchi limfa tomirlar panreatoduodenal limfa tugunlariga qo’yiladi. Jigar va o’t pufagi limfa tomirlari jigarining umumiy arteriyasi va darvozasi venasi yo’nalishida joylashgan jigar limfa tugunlariga, nodi lymphatici hepatici, qo’yiladi.
Qorin bo’shlig'idagi eng ko’p sonli vistseral limfa tugunlari guruhini yuqori ichak tutqich limfa tugunlari, nodi lymphatici mesenterici superioris (66-404) hosil qiladi. Ular ingichka ichak tutqich ichida joylashgan bo’lib, ularga och va yonbosh ichak limfa tomirlari bel limfa tugunlardan chiqqan olib ketuvchi limfa tomirlari bel limfa tugunlariga, goho ichak poyasi hosil qilib ko’krak limfa yo’liga qo’yiladi.
Chambar ichak qismlaridan chiquvchi limfa tomirlar chambar ichak arteriyalari yo’nalishida joylashgan limfa tugunlarga qo’yiladi.
Qorin bo’shlig'ining parietal limfa tugunlari qorin bo’shlig'ining oldingi devorida, nodi lymphatici epigastrici inferiores, orqa devorida, nodi lymphatici lumbales, joylashadi.
Bu limfa tugunlari qorin aortasi va pastki kavak venaga nisbatan joylashiga qarab lateroaortal, retro aortal, prekaval, retrokaval, latera-kaval va interaorto-kaval guruhlarga bo’linadi. bu tugunlardan chiqqan olib ketuvchi limfa tomirlar o’ng va chap bel poyasini hosil qiladi.
Do'stlaringiz bilan baham: |
