Lim vazirligi guliston davlat universiteti

Qurilish va yo’l qurilishi mashinasozligining asosiy korxonalari Toshkent va Andijon shaharlarida joylashgan. Bular: 1932 yilda qurilgan "O’zbekgidrostroy" (keyinchalik "Irmash", 1946 yildan Toshkent ekskavator zavodi, 1994 yildan esa "Tosheks" birlashmasi), "Podyomnik" (Toshkent), "Andijonirmash" (1956), "Andijon gidravlika mashinasozligi" (1986), "Strommashina" (Andijon) zavodlaridir.
Tarmoq korxonalarida-turli markadagi ekskavatorlar, ko’prik elektr kranlari, magnitli, ko’p tirgakli osma kranlar, to’rt oyoqli kranlar, er tekislaydigan mashinalar, yuklagichlarning osma jihozlari, gidrosilindrlar, manipulyatorlar, gidrotaqsimlagichlar, 3 tipdagi yuklagichlar, nasoslar, dizellar, turli xil ehtiyot qismlar ishlab chiqariladi.
Kommunal xo’jalik mashinasozligida Samarqand liftsozlik zavodi ish olib boradi. Zavod negizida "Vostoklift" o’zbek-rus qo’shma korxanasi tashkil etilgan, korxonada har xil yuk va passajir liftlari ishlab chiqariladi.
Madaniy-maishiy ro’zg’or texnika mashinasozligida Samarqand "Sino" sovutgichlar zavodi ishga tushirilgan (1972). Zavod Germaniyaning "Foron" firmasi bilan hamkorlikda turli sovutgichlar, kir yuvish mashinalari ishlab chiqarishni o’zlashtirdi. Samarqand kinoapparat zavodi ("Kinap") turli ruso’mli kinoapparatlar, elektr-kuch asboblari, universal kino va teatr ovoz texnika apparatlari va boshqalar ishlab chiqaradi.
Nazorat savollari:
1. O’zbekistonda qora metallurgiyani mazmunan izohlab bering?
2. O’zbekistonda rangdor metallurgiyani tushuntirib bering?
3. Mashinasozlik majmuini izohlab bering?
4. Mashinasozlik majmui tarmoqlar tarkibiga tushuncha bering?
8-mavzu: Kimyo va neft-kimyo sanoati va qurilish materiallari sanoati


Ko’rib chiqiladigan asosiy savollar:
1. O’zbekiston kimyo sanoati, tarmoqlar tarkibi geografiyasi.
2. Qurilish materiallari, qurilish materiallari sanoati tarmoqlari geografiyasi.


Mavzuga oid tayanch tushuncha va iboralar: Mineral o’g’itlar, polimerlar, ammofos, gidroliz, bioqimyo, keramika sanoati, yig’ma-temir beton.