Sudralib yuruvchilar sinfi bo`yicha test topshiriqlari. C = 49
1. Sudralib yuruvchilarning mutloq quruqlikda yashashga moslashish belgilarini ko`rsating. A. Tuxumi tashqi tomondan qattiq po`choq bilan qoplanganligi. B. Tirik tug’ishi. V. Teri bezlarining rivojlanmaganligi. G. Terisi muguz qavat bilan qoplanganligi. D. Yuragi uch kameraligi. E. Ichki urug’lanishi.
J. Boshining ancha harakatchan bo`lishi. Z. Dumining uzun bo`lishi.
2. Sudralib yuruvchilar skeletining tuzilishi uchun xos belgilarni ko`rsating. A. Bosh skeletining birlamchi tog’ay skeleti to`liq suyaklanmagan. B. Eshitish kapsulasi uchta suyakchadan iborat. V. Pastki jag’i miya qutisiga kvadrat suyagi orqali qo`shilgan. G. O`ng va chap jag’ suyaklari o`zaro harakatchan qo`shilgan.
3. Muskul sistemasining amfibiyalarga nisbatan murakkab tuzilish belgilarini ko`rsating. A. Muskullari tanada metamer joylashgan. B. Muskullari murakkab ravishda defferentsiallashgan. V. Oyoq muskullari kuchli rivojlangan.
G. Qovurg’alararo muskullari yaxshi rivojlangan.
4. Nafas olish sistemasining amfibiyalarga nisbatan murakkab tuzilish belgilarini ko`rsating. A. O`pka ichki bo`shlig’ining kichikroq bo`lishi. B. O`pkasi xaltasimon bo`lishi. V. Nafas olish yo`llarining ixtisoslashganligi. G. Burun orqali nafas olishi. D. O`pka bo`shlig’i juda ko`p katakchalarga bo`linganligi. E. Og’iz bo`shlig’ining kengayishi va torayishi tufayli nafas aktining bo`lishi.
5. Qon aylanish sisitemasining amfibiyalarga nisbatan murakkab tuzilish belgilarini ko`rsating. A. Yuragi uch kamerali. B. Yurak qorinchasida to`liq bo`lmagan to`sig’i bor. V. Arterial konus uchta alohida arteriyalarga bo`lingan.
G. Arteriya va vena sistemasi birmuncha alohidalashgan. D. Qon tomirlar devori qalinroq. E. Ikkita qon aylanish doirasi bor.
6. Sudralib yuruvchilarning ayirish organlari qanday tuzilgan? A. Chanoq buyrak rivojlangan. B. Tana buyrak rivojlangan. V. Barcha vakllarida siydik pufagi yaxshi rivojlangan. G. Siydik yo`li kloakaga ochiladi.
7. Sudralib yuruvchilarning nerv sistemasi va sezgi organlarga xos belgilar keltirilgan javoblarni ko`rsating. A. Oldingi miya yarimsharlar po`stlog’i burmalar hosil qiladi. B. Yarimsharlarning po`stlog’i rivojlangan. V. Eshitish organining uchta bo`limi ham yaxshi rivojlangan. G. Eshitish organi faqat ichki quloqdan iborat.
D. Eshitish suyakchasi bitta. E. Tepa organi yaxshi rivojlangan. J. Ranglarni ajrata oladi. Z. Eshitish suyakchasi uchta.
8. Xartumboshlilarning tuban tuzilish belgilarini ko`rsating: A. Umurtqalari orasida xordasi saqlanib qolgan. B. Miya qutisi suyakka aylanmagan. V. Qorin terisi ostida sovut qoldig’i saqlanib qolgan. G. Uchinchi qovoqlari rivojlangan. D. Tishlari jag’larda va tanglay suyaklarida joylashgan. E. Tishlari ixtisoslashmagan J. Nog’ora pardasi rivojlanmagan. Z. Qovoqlari qalin. I. Kopulyativ organi yo`q. K. Tuxumi juda kichik.
9. Kaltakesaklar uchun xos belgilarni ko`rsating: A. Jag’ suyaklari harakatchan qo`shilgan. B. Pastki jag’ suyaklari o`zaro qo`shilib ketgan.
V. Qovoqlari harakatsiz. G. Qovoqlari harakatchan. D. Barcha turlarining oyoqlari yaxshi rivojlangan. E. Nog’ora pardasi tashqi tomondan ko`rinib turadi.
10. Xameleonlarga xos belgilarni ko`rsating. A. Barmoqlari bir-biriga qarama-qarshi joylashgan. B. Barmoqlarining ostki tomoni kengaygan.
V. Barmoqlarining ostida ko`p tukchalari bor. G. Tanasini shishirish xususiyatiga ega. D. Ko`zlarining har biri mustaqil harakatlanish xususiyatiga ega. E. Tungi hayvonlar hisoblanadi.
11. Kapcha ilonning sistematik o`rnini aniqlang. A. Rhynchocephalia.
B. Squamata. V. Ophidia. G. Lacertidae. D. Viperidae. E. Elapidae. J. Vipera lebetina. Z. Naja oxiana.
12. Cho`l toshbaqasining sistematik o`rnini aniqlang. A. Chelonia
B. Lacertilia. V. Cryptodira. G. Testudo elephantopus. D. T. horcfieldi. E. Anguidae.
13. Timsohlar o`q skeleti bo`limlari va soni to`g’ri ko`rsatilgan javoblarni belgilang. A. Bo`yin umurtqalari 8 ta. B. Bo`yin umurtqalari 9 ta. V. Ko`krak umurtqalari 10-12 ta. G. Ko`krak umurtqalari 12-13 ta. D. Bel umurtqalari 4-6 ta.
E. Bel umurtqalari 2-3 ta. J. Dumg’aza umurtqalari 1-2 ta. Z. Dumg’aza umurtqalari 2-3 ta. I. Dum umurtqalari 15-40 ta. K. Dum umurtqalari 30-40 ta.
14. Echkemarning sistematik o`rnini avloddan boshlab belgilang. A. Varanus. B. Lacertidae. V. Varanidae. G. Serpentes. D. Boidae. E. Squamata. J. Reptilia.
Z. Elapidae. I. Chelonia. K. Acrania. L. Craniata. M. Chordata. N. Cephalochordata.
