Қўлёзма ҳуқуқида ҚУЧҚоров жавлон суюндик ўҒли миллий ғоя ва демократик ўзгаришлар диалектикаси босқичларининг ижтимоий-фалсафий таҳлили

Илова
Ўзбекистон Республикаси Олий Мажлиси Кенгашининг
Қ а р о р и
Россия Федерацияси Давлат Думасининг 1996 йил 15 мартдаги Қарори тўғрисида
Ўзбекистон Республикаси Олий Мажлиси Кенгаши қарор қилади:
Россия Федерацияси Давлат Думасининг 1996 йил 15 мартда қабул қилган собиқ СССРни қайта тиклашга қаратилган қарори муҳокамага лойиқ эмас, деб ҳисоблансин.
Ўзбекистон бозор муносабатларига асосланган мустақил, демократик, ҳуқуқий давлатни ва фуқаролар жамиятини барпо этиш ҳамда мустаҳкамлашдан иборат ўз йўлини, жаҳон ҳамжамиятига қўшилиш йўлини қатъий танлаб олди.
Ўзбекистон Республикаси МДҲ ташкил этилганлиги қонуний ёки ноқонунийлиги юзасидан ҳам, шунингдек, Евроосиё иттифоқи шаклидами, федерация ёки конфедерация шаклидами, гўёки Белоруссия, Қозоғистон ва Россия имзоламоқчи бўлган ҳужжат қандай тарзда бўлишидан қатъий назар, собиқ Иттифоқни қайта тиклаш масаласи бўйича мунозарани ҳатто очмоқчи ҳам эмас. Давлатлар устида турувчи ҳар қандай тузилмалар ташкил этишни назарда тутадиган интеграция жараёни Ўзбекистон учун мақбул бўла олмайди.
Олий Мажлис Кенгаши яна бир бор таъкидлайдики, Ўзбекистон танлаб олган йўл 1991 йил 29 декабрда ўтказилган референдумдаги халқнинг ўз хоҳиш-иродасини эркин билдириши асосида қабул қилинган йўл бўлиб, бу референдумда сайловчиларнинг 98,2 фоизи “Ўзбекистон Республикаси Олий Кенгаши томонидан эълон қилинган Ўзбекистон Республикасининг давлат мустақиллигини маъқуллайсизми?” деган матнни ёқлаб, овоз бердилар.
Айни пайтда шуни баён қиламизки, 1991 йил 17 март куни собиқ СССР ҳудудида ўтказилган референдумда Ўзбекистон Республикасида халқ иккинчи бюллетен бўйича ҳам овоз берди. Бу бюллетеньдаги матн Иттифоқ референдумига қўйилган масаланинг мазмунини амалда йўққа чиқаради. Россия Федерацияси Давлат Думаси эса 1996 йил 15 мартдаги қарорини айни шу референдум натижаларига асослашга уринади. Қолаверса, Ўзбекистон Республикасининг мустақиллиги СССР расман барбод бўлишидан анча олдин, 1991 йил 31 августда эълон қилинган эди.