Lektsiya teksti Defektologiya (Logopediya) bakalavr ta`lim bag`dari 1-kurs ushin mo`lsherlengen Du`ziwshi

Eki ta’repleme gemiplegiya – balalar serebral faralejinin’ en’ awir formasi. Bul balalarda insan ushin en’ za’ru’r bolg’an funktsiyalar: nutqiy, ruwxiy ha’m fizikaliq halatlarda awir buziliwlar payda boladi. Bunday ko’rinistin’ sirtqi ko‘rinisdegi tiykarg’i belgileri: bala denesinin’ bir bo’limi faralejlengen bolip, tiykarinnan qol bu’gilgen halda, qol ham ayaq ham ishkerige qarag’an ha’m bu’gilgen halda boladi. Bul tu’rdegi balalardin’ nutqinda anartriya ya’ki awir dizartriya gu’zetiledi.

Spastik dipligiya – bul en’ ko‘p tarqalg’an ko’rinisi bolip, ma’lim bir awir kesellik ya’ki Littal sindrominin’ ta’sirinda kelip shig’adi. Spastik dipligiya ko’rinisdegi balalarda ekilemshi nuxsan sipatinda ruwxiy rawajlaniwinda pa’siyiw gu’zetiledi. 30-35% bul ko’rinisdegi balalarda jen’il da’rejedegi aql zayipliq, 70%ide bolsa nutq nuxsanlari gu’zetiledi. Spastik dipligiya tu’rindegi faralej balalardin’ ayaqlari qollarina qarag’anda ko‘birek serebral faralejlik ta’siri astinda bolip, qollar bir az qolaysiz ha’reketlenedi. Ayaqlar bir-birine japisg’an ha’m ishkerige qarag’an halatda boliwi gu’zetiledi.