Lektsiya-22 Ferg’ana okrugi Jobasi Ferg’ana okrugine uliwma sipatlama, relefi

Batis Alay rayoni. Sox ha’m Isfara da’ryalarinin’ jayilmalarin ha’m de Alay dizbeginin’ bul da’ryalar basseynine kirgen arqa janbawirin o’z ishine aladi. Aymaqtin’ absolyut ba’lentligi arqasinda 350 m den qublasinda 5000 m ge shekem baradi. Landshaftlari da sol bag’darda tegislik landshftlarinan taw landshftlarina o’zgeredi. O’zbekstang’a bul rayonnin’ tek en’ pa’s arqa tegislik bo’limi kiredi ha’m tegislik ha’m taw aldina bo’linedi.
Tegislik bo’limi Sox- Isfara jayilmalarinan ibarat bolip, olardin’ qubla shegarasi 600 mli izogipske tuwra keledi.
Rayonnin’ taw aldi bo’liminde Jamantaw ha’m Katran antiklinal strukturalari jaylasqan. Olar onsha ba’lent bolmag’an, ken’lik boylap bag’darlang’an taw to’belerin payda etedi. Olardin’ absoluyt ba’lentligi 1390 m den 2125 m ge shekem baradi.
Klimatliq ta’repten rayon aymag’i en’ qurg’aq aymaq bolip, ortasha jilliq jawin mug’dari 100mm a’tirapinda. Biraq rayon aymag’i okrugta qistin’ jumsaqlig’i, suwiqli ku’nlerdin’ kemligi menen basqa rayonlardan ajralip turadi.
Rayonda 8 landshaft tu’ri ajratiladi. Ma’deniy oazis landshftlari rayon aymag’inin’ yarimin quraydi.
Orayliq tegislik rayoni. Aymag’i Ferg’ana batig’inin’ orta bo’limine tuwra keledi ha’m arqadan Sirdarya menen, qubladan Sox, Altiariq ha’m Shoximardon jayilmalarinin’ shetki bo’limleri menen shegaralanadi. Bul aymaq Qaraqalpaq sho’li dep ataladi. Onin’ absoluyt ba’lentligi arqada Sirdarya boylarinda 350 m den qublada 500 metrge shekem baradi. Sirda’rya boylap sozilg’an qayir ha’m 2 qayir u’sti terassalari ko’zge aniq taslanadi. Rayon aymag’inin’ u’lken bo’limi III terassag’a tuwra keledi.
Rayon klimatinin’ qurg’aqlig’i termik ersurslarg’a baylig’i, mayda ko’lleri, batpaqliqlari, qum massivleri, landshaft tu’rlerinin’ kemligi menen basqa rayonlardan ajralip turadi. Rayonda 3 landshaft tu’ri bar, bular arasinda delta tegisliklerindegi shorlaqlar landshafti maydaninin’ u’lkenligi menen ajiralip turadi.
G’ovasay rayoni. Absolyut ba’lentligi 350 m bolg’an Sirda’rya boylarinan Qurama tawinin’ Qamshiq shig’arlig’ina shekem bolg’an qubla janbawirdi o’z ishine aladi. Rayon Sirda’rya alabinin’ on’ jag’asi, taw aldi tegislikleri ha’m Qurama taw dizbeginin’ qubla janbwirinan ibarat. Rayon okrugtin’ en’ qurg’aq, qisi suwiq aymag’i esaplanadi. Onda 9 landshaft tu’ri ajratilg’an. Bul jerde oazis landshaftlari u’lken maydandi iyeleydi.