Лекция (2 саат) Тема: Физикалық тәреплердиң дәраматларынан (табысларынан) алынатуғын салық

3.01.кесте
(минимал ис ҳақы 37680 сум 1-декабрь 2009ж)
Физикалық тәреплерден алынатуғын дәрамат салығы ставкалары¹.

Салық салынатуғын дәрамат	Салық ставкасы
Ең кем ис ҳақының алты есесине шекем	Дәрамат суммасының 11 пайызы
Ең кем ис ҳақының алты есесинен (+1сум) он есеси муғдарына шекем	Алты есе муғдардан салық +ең кем ис ҳақы муғдарының алты есесинен асатуғын суммадан 17 пайыз
Ең кем ис ҳақының он есеси (+1 сум) ҳәм оннан жоқары муғдарда	Он есе муғдардан салық + ең кем ис ҳақы муғдарының он есесинен асатуғын суммадан 22 пайыз

Физикалық тәреплерге төленетуғын дивидендлер ҳәм пайызларға 10 пайызлық ставка бойынша төлеў дерегинде салық салынады.

Бунда салық салыў мақсетинде дивидентлерге акциялар бойынша ҳәм де қымбатлы қағазлардан алынатуғын дәрамадлар киреди. Пайызларға қарыз миннетлемелери ҳәм хожалық жүритиўши субъекттиң устав инвестициясында үлесли қатнасыўынан келетуғын дәраматлар ҳәм басқалар киреди.
Салық нызамшылығына муўапық физикалық тәреплердиң салық салынатуғын дәраматына төмендегилер киритилмейди:

• 
  Мийнет шәртнамасы бийкар етилгенде төленетуғын ең кем ис ҳақының он еки есе көлеминдеги жумыстан босатыў напақасы;
  
• 
  Алынатуғын алиментлер;
  
• 
  Жоқарғы оқыў орынлары, кәсип-өнер колледжлери ҳәм де олардың базасында шөлкемлестирилген бизнес мектеплери оқыўшыларына тайынланған стипендиялар;
  
• 
  Мәмлекетлик пенсиялар;
  
• 
  Қан тапсырғаны ушын алатуғын суммалар;
  
• 
  Физикалық тәреплердиң жеке мүлкин сатыў нәтийжесинде алатуғын суммалар;
  
• 
  Мийрас етип қалдырыў ҳәм саўға етиў нәтийжесинде алынған суммалар;
  
• 
  Мәмлекетлик заемлардың облигациялары ҳәм лотереялар бойынша утыслар;
  
• 
  Пуқаралардың қамсызландырыў бойынша алатуғын суммалары;
  
• 
  Бир жыл даўамында берилген материаллық жәрдем суммалары;
  
• 
  Депозит сертификатлар бойынша дәраматлар, банклердеги аманатлар ҳәм мәмлекетлик ғәзийне миннетлемелери бойынша пайызлар ҳәм утыслар.
  

Физикалық тәреплердиң дәрамадына салынатуғын салықты төлеўден төмендегилер толығынша азат етиледи:

• 
  Шет мәмлекетлердиң дипломатиялық ўәкилликлериниң баслықлары ҳәм ағзалары ҳәм де консуллык мекемелердиң лаўазымлы шахслары (әмелдарлары), олардың өзлери менен бирге жасайтуғын семья ағзалары;
  
• 
  Егерде олар Өзбекстан Республикасы пуқарасы болмаса,-Өзбекстан республикасындағы дереклерден алынатуғын, дипломатиялық ҳәм консуллық хызмети менен байланыслы болмаған дәраматларынан тысқары барлық дараматлары бойынша;
  
• 
  Шет мәмлекетлердиң дипломатиялық ўәкилликлериниң ҳәм конусллық мекемелериниң административ-техник хызметкерлери ҳәм олардың өзлери менен бирге жасайтуғын семья ағзалары;
  
• 
  Шет-мәмлекетлер дипломатия ўәкилликлерине, консуллық мекемелерине хызмет көрсететуғын хызметкерлер қурамына кирген адамлар;
  
• 
  Егерде олар Өзбекстан Республикасы пуқарасы болмаса яки Өзбекстан Республикасында турақлы жасамаса-өз хызметинен алатуғын барлық дәраматлары бойынша;
  
• 
  Шет мәмлекетлер дипломатия ўәкилликлери ҳәм консуллық мекемелери хызметкерлериниң үйлеринде ислеўшилер, егерде олар яки Өзбекстан республикасында турақлы жасамаса Өзбекстан Республикасы пуқарасы болмаса, өз хызметинен алатуғын барлық дәраматлары бойынша;
  
• 
  Қорғаныў, Ишки ислер ҳәм айрықша жағдайлар Министрликлериниң, Миллий кәўипсизлик хызметиниң әскерий хызметкерлери, ишки ислер органлары ҳәм бажыхана органларының әпиўайы хызметкерлери ҳәм баслықлары қурамына кириўшилер;
  
• 
  Лаўазым дәрежелери бар прокуратура органлары хызметкерлери.
  

ⁱ