Лекция (2 саат) Тема: Физикалық тәреплердиң дәраматларынан (табысларынан) алынатуғын салық

6.Физикалық тәреплердиң дәраматларын декларация усылында салыққа тартыў тәртиби.
Декларация-салық мекемелерине салық төлеўши физикалық тәреплерден тапсырылатуғын ҳәм өз ишине алынған дәраматлар ҳәм усы дәраматлар менен байланыслы қәрежетлер ҳакқындағы мағлыўматларды өз ишине алатуғын ҳәм де салық төлеўшиниң есапланған салықларын өз ерки менен ҳәм белгиленген ўақытта мәмлекетлик бюджетке төлеўге мәжбүр ететуғын ҳүжжет есапланады.
Салық кодексине муўапық физикалық тәреплердиң жәми жыллық дәраматы ҳаққындағы декларация төмендеги жағдайларда салық органларына тапсырылады:
а) мүлк дәрамады, илим, әдебият ҳәм искусство шығармаларын дөреткени ҳәм де олардан пайдаланғаны ушын автор сыпатында алынған дәрамат;
б). тийкарғы болмаған жумыс орнынан дәрамат алған физикалық тәреплер;
в). Резидент-шет еллик физикалық тәрептен.
Физикалық тәреплер тийкарғы жасаў орнындағы мәмлекетлик салық органларына жәми жыллық дәраматлары ҳаққында декларацияны төмендеги мүддетлерде тапсырыўы керек:

• 
  Тийкарғы болмаған жумыс орнынан (Өзбекстан Республикасындағы, сондай-ақ оның аймағынан тысқарыдағы дереклерден) дәрамат алған резидент-физикалық тәреплер есап бериў жылынан кейинги жылдың 1-апрелинен кешиктирмей;
  
• 
  Резидент-шет-еллик физикалық тәреплер нәзерде тутылып атырған дәраматлар ҳакқында Өзбекстан Республикасына келген күннен баслап бир ай даўамында белгиленген формада.
  

Физикалық тәреплердиң дәрамадына салынатуғын салықты төлеў декларация тапсырыў арқалы салықлар төмендеги мүддетлерде төленеди:
а) тийкарғы болмаған жумыс орнынан дәрамад алған резидент-физикалық тәреплер-жәми жыллық дәрамады ҳаққындағы декларация мағлыўматлары бойынша есап бериў жылынан кейинги жылдың 1 июнынан кешикпей, жыл даўамында қайта есапланғанда-декларация мәмлекетлик салық органларына тапсырылған күннен баслап бир ай ишинде;
б) физикалық тәреплер-Өзбекстан Республикасының резидентлери есаплап шығарылған дәрамат салығын шет мәмлекетде жайласқан есап бетинен шет-ел валютасында төлеўи мүмкин. Бунда физикалық тәреплерден алынатуғын, миллий валютада көрсетилген салық физикалық тәреплерден алынатуғын дәрамат салығы төленген сәнеде Өзбекстан Республикасы Орайлық банки тәрепинен белгиленген курс бойынша шет-ел валютасында қайта есаплап шығылады.