Laboratoriya mashg’uloti №27 Mavzu: Vodorodning qaytaruvchanlik xossalari. Molekular va atom holidagi vodorodning aktivligini solishtirish. Vodorod peroksid va xossalari

Laboratoriya mashg’uloti №27


Mavzu: Vodorodning qaytaruvchanlik xossalari. Molekular va atom holidagi vodorodning aktivligini solishtirish. Vodorod peroksid va xossalari.
Ishning maqsadi: Vodorod va vodorod peroksid birikmalari va ularni olinish usullarini va kimyoviy xossalarini amaliyotda sinab ko‘rish.
Reaktivlar: H₂O-distillangan suv, Na-natriy metali bo`lakchalari, Zn-rux metali bo`lakchalari, Al-alyuminiy metali bo`lakchalari, CuO-mis (II)-oksid, FeCl<sub>3</sub>-temir (III)-xlorid eritmasi, KCNS-kaliy rodanid eritmasi, KMnO<sub>4</sub>-kaliy permanganat eritmasi, H<sub>2</sub>O<sub>2</sub>-vodorod peroksid eritmasi, K<sub>2</sub>Cr<sub>2</sub>O<sub>7</sub>-kaliy dixromat eritmasi, dietilefir, BaO<sub>2</sub>–bariy peroksid, H<sub>2</sub>SO<sub>4</sub>–sulfat kislota, Pb(NO<sub>3</sub>)<sub>2</sub>-qo`rg`oshin (II)-nitrat eritmasi, Na<sub>2</sub>S-natriy sulfid eritmasi, Cr(NO<sub>3</sub>)<sub>3</sub>-xrom (III)-nitrat eritmasi, NaOH-natriy gidroksid eritmasi, KI-kaliy yodid (rangsiz eritma), AgNO<sub>3</sub>-kumush nitrat eritmasi, ammiak eritmasi, Ba(OH)<sub>2</sub>-bariy gidoksidning to‘yingan eritmasi, fenolftolein eritmasi, kraxmal eritmasi.
Asbob uskunalar: shtativ, Kipp apparati, probirkalar, kristallizator, shisha stakanlar, spirt lampa, shisha plastinkalar, gaz gorelkasi, shisha vanna, metall qoshiqcha, qisqich, yumaloq tubli kolba, Shuster tomizg‘ichi, gaz o`tkazgichli tiqin va naylar.

1.Vodorodning qaytaruvchilik xossalari
1-tajriba. O‘rtasi sharchali 15-20 sm uzunlikdagi o‘tga chidamli shisha nayni temir shtativga o‘rnating. Shisha nayning sharchasiga ozgina oltingugurt kukuni soling. Shisha nayning ikkala tomoniga shisha nay o‘tkazilgan probka o‘rnating. Nay orqali Kipp apparatidan vodorod oqimi o‘tkazing. Shisha naydan chiqayotgan vodorodning tozaligini tekshirganingizdan so‘ng oltungugurtli sharchani qizdiring. Shisha naydan chiqayotgan gazni mis(II)- sulfat eritmasiga yuboring. Qora cho‘kma hosil bo‘lishini kuzating.
Vodorod oltingugurt bilan birikib H₂S vodorod sulfid hosil qiladi; o‘z navbatida H₂S mis(II)- sulfat bilan reaksiyaga kirishib CuS hosil qilishini nazarda tutib, reaksiyalar tenglamalarini yozing.
2-tajriba. 15-20 sm uzunlikdagi shisha nayning o‘rtasiga mis (II)-oksid solib, shisha nayni temir shtativga o‘rnating. Uning bir chetiga naychali probka o‘rnating. Naychani rezina nay bilan birlashtiring. Rezina nayni Kipp apparatga ulang. So‘ngra Kipp apparatidan vodorod oqimini yuboring. Shisha naydan chiqayotgan vodorodning tozaligini tekshirganingizdan so‘ng nayning mis (II)-oksid turgan joyini qizdiring. Mis (II)-oksid rangining o‘zgarishini kuzating. Reaksiya tenglamasini yozing.