Laboratoriya mashg’uloti №27 Mavzu: Vodorodning qaytaruvchanlik xossalari. Molekular va atom holidagi vodorodning aktivligini solishtirish. Vodorod peroksid va xossalari

4. Vodorod peroksidining olinishi
1-tajriba. Probirkaga 5 ml distillangan suv quying va shisha tayoqcha yordamida 4-5 dona natriy peroksiddan qo‘shing. Probirkani krandan oqayotgan suv bilan soviting va ustiga suyul. sulfat kislotasidan kuchsiz kislotali muhitgacha (lakmusda sinang) quying. Eritmani ikki qismga bo‘ling.
Birinchi probirkaga efir ishtirokida K₂Cr₂O₇ eritmasidan qo‘shib, ikkinchisiga esa kraxmal kleysteri ishtirokida kaliy yodid eritmasidan qo‘shib, ularda vodorod peroksid borligini isbotlang.
2-tajriba. 1 g bariy peroksid poroshogidan oling va shisha tayoqcha bilan aralashtirgan holda muz bilan sovitilgan 5 ml suyul. sulfat kislota bo‘lgan probirkaga oz-ozdan qo‘shing. Bariy sulfat cho‘kmasini filtrlab, ajratib oling. Filtratda vodorod peroksid borligini isbotlang. H₂O₂ hosil bo‘lish reaksiya tenglamasini yozing.
Metall peroksidlaridan H₂O₂ olishda sulfat kislotasi qanday vazifani bajaradi?

1. 
   Vodorod peroksidining katalitik parchalanishi
   

1-tajriba Probirkaga 1-2 ml 3% li H₂O₂ eritmasidan quying, ozgina MnO₂ kukunidan soling. Ajralib chiqayotgan gazni cho‘g‘langan cho‘p bilan tekshiring. Reaksiya tenglamasini yozing.
Bu reaksiyada MnO₂ qanday vazifani bajaradi?

73-rasm. Vodorodni metallarga suv ta’sir ettirib olish.

2. 
   Vodorod peroksidning oksidlovchilik xossalari
   

1-tajriba. 2 ml Pb(NO₃)₂ eritmasiga teng hajmda Na₂S eritmasidan quying, qaynaguncha qizdiring. Hosil bo‘lgan cho‘kmaning rangiga e’tibor bering. Reaksiya tenglamasini yozing. Eritmani to‘king, cho‘kmaga esa 3 ml 3%li H₂O₂ eritmasidan quying va biroz qizdiring. Cho‘kmaning rangi qanday bo‘ldi? Reaksiya tenglamasini yozing. Bu reaksiyada H₂O₂ qanday vazifani bajaradi?
2-tajriba. 2 ml Cr(NO₃)₃ eritmasiga oldin hosil bo‘lgan cho‘kma eriguncha NaOH eritmasidan quying. Hosil bo‘lgan eritmaga vodorod peroksid eritmasidan quying. Eritma rangini natriy tetragidroksoxromat (III) ni xromat (VI) ga o‘tib, o‘zgarishini kuzating. Bu reaksiyada H₂O₂ qanday vazifani bajaradi?

3.