Laboratoriya mashg’uloti №16 I,II,III guruh anionlari aralashmalari analizi

5. Anionlar guruhini aniqlash
a) BaCl₂ eritmasining neytral yoki kuchsiz ishqoriy muhitda ta’siri (pH=7-9).
Dastlab kislotali muhitga ega bo‘lgan eritmalarni Ba(OH)₂ eritmasi bilan neytrallab olinadi (pH=7-9). Agar oq cho‘kma hosil bo‘lsa, u xolda l guruh SO₃^2- S₂O₃^2-,C₂O₄^2-, СO₃^2-, B₄O₇^2-(BO₂^-), PO₄^3- anionlari mavjud bo‘lishi mumkin.
Agar hosil bo‘lgan cho‘kma 2n HCl eritmada erimasa, bu xol tekshiriluvchi erimtada SO₄^2- anioni borligidan dalolat beradi.
b) AgNO₃ eritmasining ta’sirida cho‘kma hosil bo‘lsa, u xolda uning eruvchanligini 2n HNO₃ eritmasida tekshiriladi. Agar cho‘kma erimasa, u xolda II guruh anionlari (Cl^-, Br^-, I^-, SCN^-, S^2-) bilan birgalikda S₂O₃^2- ioni xam mavjud bo‘lishi mumkin. Cl^- va SCN^- ionlari oq cho‘kma, Br^-, J^- - sariq, S^2- - qora cho‘kmalar hosil qiladi. S₂O₃^2- esa oq cho‘kma hosil qilib, turish natijasida qo‘ng‘irlashib, qorayadi. Agar cho‘kma 2n HNO₃ eritmada erisa, bu xol aralashmada C₂O₄^2--ioni (oq cho‘kma) yoki PO₄^3-ioni (sariq cho‘kma) borligidan dalolat beradi.
Agar BaCl₂ va AgNO₃ eritmalari ta’sirida cho‘kma hosil bo‘lmasa, u xolda tekshiriluvchi eritmada faqat NO₂^-, NO₃^-, CH₃COO^- - ionlari mavjud bo‘ladi. Bu anionlar kasrli usulda ochiladi. Bundan tashqari ba’zi guruh anionlarining analizi tizimli usulda o‘tkaziladi. Tekshiriluvchi eritmada qaysi anionlar borligi haqida tugal xulosa chiqarish uchun anionlarni kasrli usulda analizi bajariladi.


QOLGAN ANIONLARNI KASRLI USULDA OCHISH