Laboratoriya mashg’uloti №16 I,II,III guruh anionlari aralashmalari analizi

3.Temir (III) xloridi ta’sirida CH₃COO^- ionini ochish
2-3 tomchi tekshiriluvchi eritmaga (pH=5-8 bo‘lsa), 2-3 tomchi FeCl₃ tomizing. Atsetat ionini mavjudligi, eritmani qizil-qo‘ng‘ir rangga bo‘yaydi. Eritmani suv bilan suyultirib, isitiladi. Bunda asosli tuz qizil-qo‘ng‘ir cho‘kma hosil bo‘ladi.
4. PO₄^3- ionini ochish
Tigelga 2 tomchi tekshiriluvchi eritmadan tomizib, ustiga konsentrlangan HNO₃ kislotadan 5 tomchi qo‘shiladi. Eritmani parlatib quritiladi va quruq qoldiq ustiga yana konsentrlangan HNO₃ kislota, NH₄NO₃ning quruq tuzi xamda 10 tomchi ammoniy molibdat eritmasidan solinadi. Sariq kristal cho‘kmaning hosil bo‘lishi PO₄^3- ioni borligini ko‘rsatadi.
5. C₂O₄^2- ionini ochish
a) CO₃^2- va qaytaruvchi anionlar bo‘lmaganda C₂O₄^2- ioni rasmda ko‘rsatilgan asbob yordamida ochiladi.


Asbobdagi 1 chi probirkaga tekshiriluvchi eritmadan 1 ml solinadi va ustiga bir necha tomchi 0,01n KMnO₄, 2n H₂SO₄dan tomiziladi. Ikkinchi probirkaga esa yangi tayyorlangan oxakli suv yoki bariy suv quyiladi. Birinchi probirkani gaz xaydovchi naycha qopqog‘i bilan berkitiladi va uni 60-70⁰Cgacha isitiladi. Bir vaqtning o‘zida oxakli suvning loyqa-lanishi va KMnO₄ eritmasining rangsizlanishi C₂O₄^2- - ionining borligidan xulosa chiqariladi.
b) Xalaqit beruvchi anionlar ishtirokida C₂O₄^2- ioni kalsiy oksalat xolida ajratib olinganidan so‘ng, KMnO₄ bilan kislotali muhitda ochiladi. Buning uchun 5-6 tomchi tekshiriluvchi eritmaga pH=4-5 muhitga kelguncha, sirka kislotasi qo‘shiladi. Muhitni indikator qog‘ozi yordamida tekshiriladi va shu eritmaga mo‘l miqdorda kalsiy xlorid eritmasi qo‘shiladi, xamda suv xammomida isitiladi. Hosil bo‘lgan cho‘kma sentrifugalanib, issiq suvda yaxshilab yuviladi va 2 n H₂SO₄ bilan suv xammomida isitib turib, eritiladi 60-70⁰Cgacha isitilgan eritmaga tomchilatib, 0,01 n KMnO₄ eritmasidan qo‘shiladi. C₂O₄^2- ionlari ishtirokida eritma rangsizlanadi.