Laboratoriya jumıs №1

Teri-allergik sınamasın qoyıw ha`m bahalaw. Arnawlı individual sensibilizatsiyanı (seziwshen`likti) anıqlaw ushın sil, brutsellyoz ha`m basqa juqpalı ha`m basqa allergik keselliklerde teri-allergiya sınaması qoyıladı. Allergik sınamalar ko`binshe bilektin` ishki ju`zesine skarifikatsion (allergendi tırnap terige kiritiw) jol ( rasm 66a) ha`m teri arasına (rasm 66b) qoyıladı. Ma`selen, Mantu reaktsiyasın qoyıwda , tuberkulin shpritsi menen teri arasına tuberkulinnın` ma`lim kontsentratsiyası jiberiledi. Reaktsiya 24 ha`m 48 saatdan son`, qızarıw da`rejesine ko`re anıqlanadı. Sınama jiberilgen jayda qızarıw (papula) yamasa infil`trattın` u`lkenligi 5 mm bwlsa +, 1 sm geshe ++, 1 sm ha`m onnan u`lken +++ bolsa reaktsiya on` esaplanadı ha`mde vezikulalar ha`m limfangitler bar ekenligi menen ha`m anıqlanadı.
İmmun sistemag`a ta`sir etiwde qollanılatug`ın preparatlar immunobiologik preparatlar dep ju`ritiledi. Bularg`a kelip shıg`ıwı, tabiati ha`m qollanılıwı boyınsha to`mendegi preparatlar kiredi:
1. Bakteriyalardan alınatug`ın immunoprofilaktik ha`m immunoterapevtik preparatlar (ma`selen, vaktsinalar,bakteriofaglar, eubiotikler, anatoksinler).
2. İmmunoterapevtik preparatlar (ma`selen, immunoglobulinler, antitoksinler, tsitokinler).
3. Diagnostik immun preparatlar ( ma`selen, antizardaplar), ha`mde diagnostik bakteriofaglar ha`m allergenler.
4. İmmunomodulyatorlar (ko`plep sintetik preparatlar, tabiiy biostimulyatorlar).
İmmunobiologik preparatlar adam organizmine aktiv, passiv, arnawlı ha`m arnawlı emes ta`sir qılıwı mu`mkin.
Aktiv ta`siri degenimizde, preparatlar immun dizim reaktsiyasini keltirip shıg`ara alıwı tu`siniledi. Bunday qa`siyetke tiykarınan tiri, o`ltirilgen mikroblardan tayarlang`an vaktsinalar ha`m anatoksinler iye boladı.
Passiv ta`siri degenimizde, preparatlardın` effekti tiykarınan immunkompetent kletkalardı effektor o`nimlerin ku`sheytiriwge qaratıladı. Bunday ta`sirge tsitokinler ha`m basqa immunobiologik preparatlar kiredi.
Arnawlı ta`siri, ma`lim bir anıq juqpalı kesellikten qorg`awda qollanılatug`ın (ma`selen, tuberkulyozg`a, qızamıq, stolbnyak anatoksin zardabı ha`m basq.) preparatlar.
Arnawlı emes ta`siri, yag`ni preparatlar tan`lamastan immun dizimdi, immunkompetent kletkalardı aktivlestiriwi mu`mkin. Bunday ta`sirge immunomodulyatorlar ha`m biostimulyator preparatlar kiredi.