Laboratoriya ishi 14 Xrom va uning birikmalari. Olinishi va xossalari. Xrom (III)-oksidining va gidroksidining olinishi va xossalari

5. Xrom-kaliy kvasilalarining olinishi
1-tajriba.Kichkina stakanchada 10 ml suvda 1 g maydalangan K₂Cr₂O₇ ni eriting. Eritmaga reaksiya tenglamasiga muvofiq hisoblangan miqdorga nisbatan 1,5 baravar konsentrlangan H₂SO₄ qo‘shing. Stakanchani muzli suvga qo‘yib, aralashtirilgan xolda tomchilab 1 ml spirt soling. Eritma rangining o‘zgarishiga e’tibor bering. Eritmani ozgina bug‘latib kristallanishga qoldiring. Hosil bo‘lgan xrom-kaliy kvassilarini suyuqlikdan ajrating, filtr qog‘ozda quriting va kristallar shakliga e`tibor bering. Reaksiya tenglamasini yozing. Olingan kristallarni laborantga topshiring.


6.Xrom angidridini olinishi va xossalari.
1-tajriba. Stakanga (yoki probirkaga) 3-5 ml K₂Cr₂O₇ eritmasidan soling va eritmani sovitib turib oz-ozdan 5-8 ml konsentrlangan H₂SO₄ qo‘shing. Cho‘kmaga tushayotgan xrom angidridi kristallarining rangiga e`tibor bering. Eritmani sovugandan so‘ng, Shotta filtrida yoki shisha tolasida kristallarni ajrating. Reaksiya tenglamasini yozing. Nima uchun ortiqcha H₂SO₄ qo‘shilishini tushuntiring.
2-tajriba.Kristallarni bir qismining chinni kosachaga soling va bir necha tomchi spirt qo‘shing. Nima kuzatiladi? Xrom (III) oksidi va sirka aldegidi hosil bo‘lishini nazarda tutib, reaksiya tenglamasini yozing. Bu reaksiyada xrom angidridi qanday xossalarni namoyon qiladi?
3-tajriba.Xrom angidridini (1-tajribada olingan) bir necha kristallarini 2-3 ml suvda eriting va KJ eritmasidan qo‘shing. Eritmaning rangi o‘zgarishini kuzating. Reaksiya tenglamasini yozing va xrom angidridining xossalari haqida xulosa chiqaring.