Лаборатория иши №1 Ўрнатиладиган тизимларни лойиҳалаш воситалари билан танишиш ва уларда ишлашни ўрганиш

2.2 Arduino аппарат плотформаси асосида сетодиодни бошқариш тизимини лойиҳалаш
Arduino асосида светодиодни бошқариш жараёнини кўриб чиқамиз. Лойиҳалаш учун бизга Arduino платаси, светодиод ва 220 Ом резистор керак бўлади.
Arduino платасида 14 та рақамли кириш/чиқиш пинлари мавжуд. 13-рақамли(pin 13) чиқишга 220 Ом резисторни, резисторга эса светодиоднинг анодини(одатда узун оёқчаси) улаймиз. Катод эса GND номли чиқишга уланади(1.5-расм).

1.5-расм. Arduino платаси ва светодиоднинг уланиш схемаси.
Энди Arduino интеграл дастурлаш муҳитидан фойдаланиб дастур кодини ёзамиз.
Дастлаб Setup функцияси ичида рin 13 га чиқиш режимини ўрнатамиз.
pinMode(13, OUTPUT);
Дастурнинг асосий циклида(Loop функцияси ичида) светодиодни ёқамиз:
digitalWrite(13, HIGH).
Ушбу коддан кейин 13-рақамли чиқишда 5 В кучланиш ҳосил бўлади ва светодиод ёнади. Светодиодни ўчириш учун қуйидаги кодни ёзамиз:
digitalWrite(13, LOW).
Светодиодни ёниб-ўчиши одатда оний вақт давомида содир бўлади. Инсон ушбу ёниб-ўчишни англаши учун delay() функциясидан фойдаламиз. delay() функцияси белгиланган вақт оралиғида светодиодни маълум ҳолатда ушлаб туради. Масалан, delay(1000) – 1 секунд давомида.
Мисол 3:
digitalWrite(13, HIGH) ; 
delay(1000). 
Ушбу дастур коди светодиодни бир секунд давомида ёниқ ҳолатда ушлаб туради.
Arduino асосида светодиодни ёниб-ўчишини бошқариш дастури қуйидаги кўринишда бўлади.
Дастур коди.
void setup()
{
// рақамли кириш/чиқиш пинларини чиқиш режимига ўрнатамиз.
// Arduino платасида светодиод уланган пинни белгилаймиз.
pinMode(13, OUTPUT);
}
void loop()
{
digitalWrite(13, HIGH); /* светодиодни ёқамиз
delay(1000); /* бир секунд ёнган ҳолда ушлаб турамиз
digitalWrite(13, LOW); /* светодиодни ўчирамиз
delay(1000); /* бир секунд ўчган ҳолда ушлаб турамиз
}

Дастурни ёзиб бўлгандан кейин текшириш учун дастурлаш муҳити ишчи ойнасида жойлашган тугмачасини босамиз. Кейин компьютерга USB кабель орқали Arduino платасини улаймиз ва дастурни тугмаси ёрдамида платага юклаймиз.