Kurs ishi mavzu: sinxron tarjimada paralingvistik vositalarni berish usullari tayyorladi

Kurs ishini asosiy masalalari va farazlari. Tadqiqot olib borish mobaynida sinxron tarjima nazariyasida mavjud nazariyalar, tarjima strategiyalari tahlil qilinadi va uning sinxron tarjima jarayonida paralingvistik vositalardan qay darajada to‘g‘ri foydalana olish takliflar ishlab chiqildi. Jumladan, mazkur tarjima jarayonida amaliyotda tadbiq qilinish mumkin bo‘lgan qulay strategiyalar bo‘yicha tavsiyalar berildi.

Kurs ishi mavzusi bo‘yicha adabiyotlar sharhi. Sinxron tarjima sohasida eng yirik tadqiqotlar Rossiyada amalga oshirilgan: soha monografik yo‘nalishi chuqur tadqiq etilib, mutaxassislar yetishtiruvchi muassasalarda o‘quv adabiyotlari ham yetarli darajada yaratilgan. Bu borada А. А. Kazachenok⁴, L.L.Nelyubin⁵, A.F.Shiryayev⁶, G.V.Chernov⁷, K.I.Kovalyov⁸, V.M.Ilyuxin⁹, V.V.Sdobnikov¹⁰, A.D.Shveyser¹¹, R.K Minyar-Beloruchev¹² va boshqalarning ishlarinin keltirish mumkin. Shu bilan birga sohada L.Visson¹³, A. Gilles¹⁴ va M. Berg¹⁵ kitoblarini ham foydali deb hisoblaymiz.

O‘zbekistonda sinxron tarjima bo‘yicha mutaxassislar tomonidan nashr etilgan bir necha ilmiy maqolalardan tashqari X.X. Hamidov, Sh. Xasanovaning izohli lug‘ati va X.X.Hamidov, N. Ismatullayeva, S. Ergashevalarning “Sinxron tarjima o‘quv qo‘llanmasi” mavjud. 2019 yilda Toshkent davalat sharqshunoslik institutida yangi ochilgan “Sinxron tarjima” magistratura mutaxassisligi O‘zbekiston Respublikasida sinxron tarjima sohasini ilmiy o‘rganish va bu soha uchun malakali mutaxasisslarni yetishtirish uchun qo‘yilgan ilk qadamdir. Shu bois ushbu mutaxassislikda ta’lim olayotgan magistrantlar hozirgi yuqorida sanab o‘tilgan o‘quv va ilmiy materiallardan tashqari Rossiya Federatsiyasi va boshqa mamlakatlarda nashr etilgan Sinxron tarjimag oid darsliklar, o‘quv qo‘llanmalari, o‘quv-uslubiy materilallar, shuningdek sohaga oid monografik tadqiqotrlardan foydalanishga majbur bo‘lib turibdilar. Bu degani, mamlakatimizda sinxron tarjima sohasi uchun yuqorida sanab o‘tilgan turdagi yangi o‘quv adabiyotlarini yaratish, monografik tadqiqotlar olib borish zarurligini ko‘rsatadi.