Kostum va moda tarixi

Yangi shakl va ashyolar. Texnologiyalar taraqqiyoti 
kibermodaning tug‘ilishiga olib keldi, u qisman kelajak 
haqidagi «Telba Maks» (1979; 1981; 1985-yillar) singari 
fantastik  filmlar  va  pank  uslubidan  vujudga  keldi.  Bu  uslub 
o‘ta zamonaviy ashyolardan va sportcha, harbiycha va 
korjomacha liboslarning ko‘plab detallaridan foydalanar edi. 
Bular: kamarlar, bosma tugmalar, cho‘ntaklar, qulay ilgaklar, 
«molniya» tasmalari hamda yechilib-taqiladigan kapyushon, 
yenglar va astarlar edi. Erkak va ayollarniing kiyimi bir-biridan 

---

122
faqat o‘lchamlari bilan farqlanardi. «Leviys» va «Phillips» 
firmalari dizaynerlari 2000-yilda birlashib, «Industrial Clothing 
Division» (qisqartirilganda «icd+») nomli transformer, ya’ni 
shaklini o‘zgartiruvchi libosni taklif etishdi. Bu – kompyuter 
va telefon ulangan nimcha va kurtka holatdagi shaklni 
o‘zgartiruvchi plashlar edi.
Ko‘plab kompaniyalar («Stone island», «C.P. Company» 
va h.k.) va dizaynerlar yangi a’lo texnologiyali ashyolar bilan 
ishlamoqdalar. Bu materiallar, hatto tabiiy tolali matolarda 
bo‘lmagan  noyob  fazilatlarga  ega.  Masalan,  «viafil»  matosi 
haroratni sezadi va uni moslashtiradi, ultrabinafsha nurlarni 
o‘tkazmaydi va hatto sirti kirlanmaydi. Boz ustiga uning 
tabiatda butunlay chirib ketishi bilan ham muhim. Aynan shu 
davrda kiyim suv o‘tkazmaydigan va o‘ta yengil «kevlar»dan, 
yangicha ishlov berilgan matolar, masalan, mumlangan paxta 
yoki ipak qo‘shilgan neylondan tikilgan noyob va ko‘rimli 
liboslar yaratiladi.