Kostum va moda tarixi

Elegant g‘ayrioddiylik. 1980-yillarda London yoshlar 
modeli markazi bo‘lib qoldi. Yangi avlod jurnallari paydo bo‘ldi 
(«The  Face»,  «i-D»),  ular  mualliflik  professional  dizaynni 
ko‘chada tug‘ilgan dizayn bilan bog‘lar edilar. Har qancha 
g‘alati bo‘lmasin, London dizayn maktabi yangi g‘oyalarga 
muhabbati bilash ajralib turardi.
1981-yilda Vivyen Vestvud «Pirate» («Dengiz qaroqchisi») 
deb nomlangan birinchi jamlanmasini taqdim etdi, unda 
nomutanosib futbolkalar, qaytarma yoqali ko‘ylaklar, yassi 
poshnali keng tuflilar va brijlar namoyish etildi. «Qaroqchilik» 

---

114
modasi tez ommalashib ketdi, jamlanma qimmat do‘konlarning 
ham e’tiborini tortdi, pop-yulduzlar Devid Boun, Boy Jorj va 
Adan Antlar unga xaridor bo‘lishdi. Vestvud 1982–1983-yillar 
qishki  jamlanmasida  («Buffalo  Dirls»)  hind  usuliga  qur’a 
tashlandi va libos ashyolari birligida to‘la erkinlik hukm surdi.
Ichkiyim birinchi marta tashqi kiyimga aylandi: 
manekenlarga jun sviterlar ustidan kattakon atlas siynabandlarni 
kiydirib qo‘yishdi. 1983-yilda Vestvud va Mak Loren ittifoqi 
tarqab ketdi va Vivyen uslubim endi oliy modaga yaqinlashdi, 
degan xayolda jamlanmalarini Parijda namoyish qila boshladi. 
U endi ko‘proq tarixiy liboslarga e’tibor qila boshladi – 
ko‘ylaklar, hatto XVIII asr nusxasida bichiladigan bo‘ldi. 
Biroq ba’zi joylarni o‘zgartirib va ayrim qismlarni bo‘rttirib, 
Vivyen, masalan, turnyurli ko‘ylak (uning suyumli silueti) yoki 
prinogin va korsetni bugungi kun modeliga aylantiradi. Garchi 
Vestvud maxsus ta’lim olmagan bo‘lsa-da, uning modalaridagi 
bichiq sifati va ijro san’ati shu qadar noyobki, haqiqatan ham, 
oliy modaga yaqinlashib qolgandi. Shu bilan birga uning 
uslubi 1980-yillardagi ot-kutyur modasiga o‘xshab, «taralgan» 
bo‘lib chiqmadi; u har doim tarixiy libosning pank ruhidagi 
beboshvoq kiyinishiga hayratomuz aylanishini o‘zida namoyon 
etardi. Vestvud jamlanmalarini uchta – «Vivyene Westwood», 
«Rea Labe» va «Gold Labe» yorliqlari ostida chiqaradi.