Kostum va moda tarixi

Buyuk Britaniya – eklektika. Sanoat korxonasi tobora 
murakkablashib boraverdi, tobora ko‘proq ishlar mashina 
qo‘liga o‘tib qoldi. Birmuncha muddat dizaynerlar yana o‘tgan 
asrlarning tikuvchilik san’atiga qaytish zaruratini his etib 
qoldilar. Ayrimlar, hatto o‘z jamoalari uchun o‘z qo‘llari bilan 
to‘qish va bo‘yashga kirishib ketdilar. 
Shuni aytish joizki, Buyuk Britaniyada yagona, sinovdan 
o‘tgan yo‘nalish yo‘q edi – ko‘proq fantaziyali-romantik 
kayfiyat  hukmron  edi.  Ammo  1970-yillar  oxirida  hech  bir 
moda bilan murosa qilolmaydigan, har qanday qoidaga qarshi 
isyon ko‘targan dastlabki yosh anarxiyachilar paydo bo‘ldi. 
Londonda panklar ko‘zga tashlanib qoldi.