Косая таблица вагонопотоков

1.5. Юк поездларини тузиш режасини ҳисоблаш
Юк поездларини тузиш режаси деганда, юкланган ва жўнатишга тайёрланган вагонларни ўз вақтида поездларга бириктирилиши ва тезроқ манзилига етказилиши тушинилади.

Юк поездларини тузиш режасини ишлаб чиқишда қуйидаги асосий талабларга риоя этиш керак:

• 
  юкларни етказишни ва вагонлар айланмасини сезиларли даражада тезлаштириш;
  
• 
  техник станциялараро саралаш ишларини тўғри тақсимлаш;
  
• 
  вагонларни ўз вақтида поездларга бириктириш;
  
• 
  қайта ишланишлар сонини камайтириш;
  
• 
  йиғилиш ва қайта ишланишлар жараёнида туриш вақтини қисқартириш;
  
• 
  саралаш ва маневр воситаларидан фойдаланишни жадаллаштириш.
  

Юк поездларини тузиш режаси поездлар ҳаракати графигининг амал қилиш даврига ишлаб чиқилади.

Юк поездларини тузиш режасида ҳар бир поезд тузувчи станция учун жўнатилувчи поездларнинг турлари, қабул қилувчи станциялар манзили ва таркибдаги вагонларнинг манзиллари, бўш вагонли поездлар учун ҳаракатдаги таркибнинг тури кўрсатилади.

Юк поездларини тузиш режаси қуйидаги асосий икки қисмдан ташкил топган:

• 
  юклаш жойларида жўнатувчи ва поғанасимон маршрутларни ташкил этиш;
  
• 
  участка ва саралаш станцияларининг поездлар тузиш режасини ишлаб чиқиш.
  

Юк поездларини тузиш режаси, поездлар ҳаракати графигини тузиш учун асосий маълумот бўлиб хизмат қилади. Поездлар тузиш режасидан поездларни жўнатиш станцияларини, уларни манзилларини, поездларни сонини ва уларни таснифланишини ва б.қ. аниқлаш мумкин.

Поездлар тузиш режасининг сифати қуйидаги кўрсатгичлар бўйича баҳоланади:

а) умумий тежалган ёки сарфланган вагон-соатлар;

б) жўнатиш маршрутлари билан қамраб олинган ташишлар фоизи;

в) вагонларни қайта ишловга тушмасдан босиб ўтган ўртача масофаси;

г) вагонларни йиғилиш жараёнида ўртача туриш вақти.

Курс лойиҳасида юк поездларни тузиш режасини ҳисоблаш қуйидаги кетма – кетликда бажарилади:

• 
  вагон оқимлари йириклаштирилган жадвалини тузиш;
  
• 
  жўнатувчи маршрутлар тузиш режасини ҳисоблаш;
  
• 
  бир гуруҳли поездлар тузиш режасини ҳисоблаш;
  
• 
  поездлар тузиш режасининг қулай вариантини аниқлаш.