Ko`rsatkichli va logarifmik funksiyalar

Kurs ishining maqsadi:
Ko`rsatkichli va logarifmik funksiyalar mavzusiga oid nazariy bilimlarni o`rganish.
Ko`rsatkichli va logarifmik funksiyalar mavzusini o`qitish metodikasi haqida ma`lumot berish.
Kurs ishining ob`ekti:
Akademik litseylarda matematika o`qitish jarayoni.
Kurs ishining predmeti:
Akademik litseylarda “Ko`rsatkichli va logarifmik funksiyalar mavzusi” ni o`qitish usullari, metodlari, shakllari, vositalari.
Kurs ishining vazifalari:

• 
  Funksiya tushunchasini tavsiflovchi elementlarini o`qitish metodiksi.
  
• 
  Ko`rsatkichli funksiya tushunchasini o`qitish metodikasi.
  
• 
  Logarifmik funksiya tushunchasini o`qitish metodikasi.
  
• 
  Funksiya tushunchasi va grafiklari bo`limini o`qitish metodikasi.
  
• 
  Ko`rsatkichli va logarifmik funksiyalar tushunchasiga oid masalalar va ularni yechish usullarini o`rgatish metodikasi.
  
• 
  Kurs ishini jihozlash, himoyaga tayyorlash.
  

Kurs ishining tuzilishi. Ushbu kurs ishi kirish, 2 bob, 6 paragraf, xulosa, foydalanilgan adabiyotlar ro`yxatidan iborat bo`lib, ko`rsatkichli va logarifmik funksiyalar tushunchasini o`qitish metodikasi, ko`rsatkichli va logarifmik funksiyalar tushunchasiga oid masalalar va ularni yechish usullarini o`rgatish metodikasi atroflicha yoritib berilib, didaktik materiallar taqdim etilgan.

1-BOB. AKADEMIK LITSEYLARDA MATEMATIKA FANI VA UNI O`QITISH METODIKASI HAQIDA

1.1 Akademik litseylarda matematika fanini o`qitishning ahamiyati, maqsadi va vazifalari

Umumiy o`rta ta`lim maktablarida matematika ta`limining ahamiyati uning texnika taraqqiyotida, ishlab chiqarish sohasida va kundalik hayotda tutgan o`rni bilan belgilanadi. Maktabda matematika o`qitish ta`limining umumiy maqsadlariga xizmat qilishi, ya`ni o`quvchilarning ilmiy dunyoqarashi, mantiqiy tafakkur qila olish qobiliyati, aqliy rivojlanishi, o`z - o`zini anglash salohiyatini shakllantirishi va o`stirishi, ularda milliy va umuminsoniy qadriyatlarni tarkib toptirishi hamda boshqa fanlarni chuqur o`rganishlari uchun zarur bo`lgan bilimlarni egallashi lozim.
Matematikani o`qitishdan ko`zda tutilgan asosiy maqsadlar:

• 
  o`quvchilarning hayotiy tasavvurlari bilan amaliy faoliyatlarini umumlashtirib borib, matematik tushuncha va munosabatlarni ular tomonidan ongli o`zlashtirilishiga hamda hayotga tatbiq eta olishiga erishish;
  
• 
  o`quvchilarda izchil mantiqiy fikrlashni shakllantirib borish natijasida ularning aql-zakovat rivojiga, tabiat va jamiyatdagi muammolarni hal etishning qulay yo`llarini topa olishlariga ko`maklashish;
  
• 
  insoniyat kamoloti, hayotning rivoji, texnika va texnologiyaning takomillashib borishi asosida fanlarning o`qitilishiga bo`lgan talablarni hisobga olgan holda maktab matematika kursini ularning zamonaviy rivoji bilan uyg`unlashtirish;
  
• 
  matematika rivojiga qomusiy olimlarimiz qo`shgan ulkan hissalaridan o`quvchilarni xabardor qilish va ularda vatanparvarlik, milliy g`ururni tarkib toptirish hamda rivojlantirish;
  

• 
  jamiyat taraqqiyotida matematikaning ahamiyatini his qilgan holda umuminsoniy madaniyatning tarkibiy qismi sifatida matematika to`g`risidagi tasavvurlarni shakllantirish;
  
• 
  o`quvchilarda ko`nikmalarni shakllantirish, mustaqil faoliyatlarini rivojlantirish orqali o`quv jarayonini demokratiyalashtirish, gumanitarlashtirishga erishish.
  

Matematika fanining kompetentsiyasi ― matematika fani bo`yicha egallagan bilim, ko`nikma va malakalarini kundalik hayotida duch keladigan amaliy va nazariy masalalarni yechishda foydalanish va amaliyotda qo`llay olish qobiliyatidir.
Akademik litseylarda matematika kursining mazmuni va
uni modernizatsiyalash muammolari
Ma`lumki, ta`lim mazmuni quyidagilarni qamrab oladi:
1.Tabiat, jamiyat, texnika, faoliyat usullari haqidagi bilimlar tizimini.
2. Umumiy intellektual va amaliy ko`nikma hamda malakalarni.
3. Ijodiy faoliyat tajribasini.
4. O`quvchilarning dunyoga va bir-biriga bo`lgan emotsional tajribalarini.
Matematik ta`limning maqsadi uning mazmunini tanlashga xizmat qilishi lozim, u quyidagi yo`nalishlarni qamrab oladi: son tushunchasi, ifodalarni ayniy almashtirish, tenglama va tengsizliklarni, matematik analiz elementlarini, ehtimollar nazariyasi va matematik statistika elementlarini, geometrik almashtirishlarni, vektorlarni, koordinatalarni, aksiomatik metodlarni,matematik ta`limning mazmuni o`quvchilar tomonidan tafakkur madaniyatini egallashni nazarda tutadi. Albatta, matematik ta`limning mazmuniga nafaqat aksiomalar, teoremalar, ta`riflarni kiritish kerak, balki ularga teng kuchli bo`lgan xatti-harakatlarni ham, masalalar yechish usullarini ham kiritish lozim.
AKADEMIK LITSEYLAR UCHUN