Конституция 2 меҳнат кодекси 7

17. Хизмат вазифаларини бир марта қўпол равишда
бузиш деганда нимани тушунасиз?
1) узрли сабабларсиз прогул қилиш (шу жумладан иш куни давомида ишда уч соатдан ортиқ бўлмаслик);
2) хизматга маст ҳолда келиш, шунингдек, иш жойида спиртли ичимликлар истеъмол қилиш;
3) жиноий жазоланадиган қилмиш ёки прокуратура органлари ходимига номуносиб ножўя хатти-ҳаракат содир этиш;
4) прокурорлар ва терговчиларнинг қасамёдини бузиш.
18. Прокуратура органлари ходимларининг малака ошириш даврийлигини айтиб беринг.
Прокуратура органлари ходимлари малакасини оширишнинг даврийлиги ҳар уч йилда камида бир мартани ташкил этади.


Мурожаатлар билан ишлаш


1. Мурожаат деганда нимани тушунасиз?
Мурожаат – бу жисмоний ва юридик шахларнинг оғзаки, ёзма ёхуд электрон шаклда баён этилган индивидуал ёки жамоавий аризаси, таклифи ёки шикояти.
2. Мурожаатларнинг қандай турлари бор?
Ариза – ҳуқуқларни, эркинликларни ва қонуний манфаатларни амалга оширишда ёрдам кўрсатиш тўғрисидаги илтимос баён этилган мурожаат;
Таклиф – давлат ва жамият фаолиятини такомиллаштиришга доир тавсияларни ўз ичига олган мурожаат;
Шикоят – бузилган ҳуқуқларни, эркинликларни тиклаш ва қонуний манфаатларни ҳимоя қилиш тўғрисидаги талаб баён этилган мурожаат
3. Мурожаатларни кўриб чиқиш принципларини кўрсатинг.
қонунийлик;
мурожаатларни ўз вақтида ва тўлиқ кўриб чиқиш;
мурожаатларга нисбатан талабларнинг бир хиллиги;
жисмоний ва юридик шахсларнинг ҳуқуқлари, эркинликлари ва қонуний манфаатларига риоя этилиши;
мурожаатларни кўриб чиқишда бюрократизм ва сансалорликка йўл қўйилмаслиги;
мурожаатларни кўриб чиқишда давлат органлари, ташкилотлар ва улар мансабдор шахслари фаолиятининг шаффофлиги.
4. Мурожаатлар қандай шаклда берилиши мумкин?
Мурожаат оғзаки, ёзма ва электрон шаклда берилиши мумкин.
Оғзаки мурожаат – бу мурожаат муаллифининг шахсий қабул вақтида ёки реал вақт режимида ахборот-коммуникация технологияларидан фойдаланган ҳолда, шу жумладан, ишонч телефонлари, мурожаатларни телефон орқали қабул қилиш тизими ёхуд видеоконференцалоқа воситасида берган мурожаати.
Электрон мурожаат – бу белгиланган тартибда ахборот-коммуникация технологиялари воситасида берилган, шу жумладан, расмий веб-сайтларда жойлаштирилган мурожаат (реал вақт режимида ахборот-коммуникация технологияларидан фойдаланган ҳолда берилган оғзаки мурожаатлар бундан мустасно).