Конституция 2 меҳнат кодекси 7

Мониторинг давлат бошқаруви органлари томонидан ўз ваколатлари доирасида тартибга солиш предмети бўлган қонун ҳужжатлари бўйича ўтказилади.
Адлия вазирлиги давлат бошқаруви органларининг ҳуқуқий мониторинг ўтказиш соҳасидаги фаолиятини мувофиқлаштириш бўйича махсус ваколатли орган этиб белгиланди.
Шу муносабат билан вазирликка давлат бошқаруви органлари ўтказадиган ҳуқуқий мониторингда иштирок этиш ва ҳуқуқий мониторингни ўтказишдаги қоидабузарликларни бартараф этиш тўғрисида тақдимнома киритиш каби ҳуқуқлар берилди.
Қарор билан, шунингдек, Норматив-ҳуқуқий ҳужжатлар ижросининг ҳуқуқий мониторингини ўтказиш тартиби тўғрисида низом тасдиқланди.
Ҳуқуқий мониторингни ўтказиш билан боғлиқ жараёнлар Норматив-ҳуқуқий ҳужжатлар лойиҳаларини ишлаб чиқиш ва келишишнинг ягона электрон тизимида ташкил этиладиган махсус электрон майдончада амалга оширилади.
Миллий гвардия органлари фаолияти такомиллаштирилиши муносабати билан
Маъмурий жавобгарлик тўғрисидаги кодексга
194¹-модда. Ўзбекистон Республикаси Миллий гвардияси ҳарбий хизматчисининг (ходимининг) қонуний талабларини бажармаслик;
195¹-модда. Ўзбекистон Республикаси Миллий гвардияси ҳарбий хизматчиларининг (ходимларининг) ўз хизмат бурчларини бажаришларига қаршилик кўрсатиш
Каби янги моддалар киритилди.
Шунингдек, маъмурий ҳуқуқбузарликлар ҳақидаги ишларни кўриб чиқиш, маъмурий йўл билан ушлаб туришга ваколатли органлар сафига Миллий гвардия органлари ҳам киритилди.
“Ҳуқуқбузарликлар профилактикаси тўғрисида”ги қонунга ҳуқуқбузарликлар профилактикасини бевосита амалга оширувчи органлар тизимига Миллий гвардия органлари ҳам киритилди ҳамда уларнинг бу борадаги ҳуқуқлари белгилаб берилди.
Шу муносабат билан “12²-модда. Ўзбекистон Республикаси Миллий гвардияси органларининг ҳуқуқбузарликлар профилактикаси соҳасидаги ваколатлари” таҳрирдаги қўшимча модда киритилди.