Конституция 2 меҳнат кодекси 7

5. Прокуратурага хизматга қабул қилиш танлов босқичларини кўрсатинг.
тиббий кўрик;
махсус текширув;
тест синовлари ва суҳбат.


6. Прокуратура органларига хизматга қабул қилишда махсус текширув ким томонидан амалга оширилади?
Номзодларнинг шахсий ва ишчанлик фазилатлари, жамиятдаги юриш-туриши ҳамда номзодлар томонидан топширилган ҳужжатларнинг ҳаққонийлигини ўрганиш мақсадида тегишли прокурорларнинг ички хавфсизликни таъминлаш бўйича ёрдамчилари томонидан махсус текширув ўтказилади.


6. Прокуратура органларига хизматга қабул қилишда тест синовлари қандай кўринишга эга бўлади?
Тест синовлари психологик тест ва мутахассислик бўйича тестдан иборат бўлади.
Бош прокурор кўрсатмаси асосида номзодларнинг назарий билими ва касбий тайёргарлик даражаси ҳамда шахсий ва ишчанлик фазилатларини аниқлашнинг бошқа услублари ҳам қўлланилиши мумкин.
7. Прокуратура органларида кимлар ёш мутахассис ҳисобланади ва улар билан қандай ишлар олиб борилади?
Прокуратура ва Департамент органларига илк бор хизматга қабул қилинган ходимлар уч йил давомида ёш мутахассис ҳисобланади.
Ёш мутахассислар билан ишлаш жараёнида:
– уларнинг назарий билимлари ва амалий кўникмаларини оширишга, шу жумладан касбий тайёргарлигини мустақил равишда ошириш борасидаги қобилиятларини такомиллаштиришга;
– ёш мутахассисларни прокуратура ва Департамент органлари ходимларининг қасамёдига содиқлик, ватанпарварлик, фуқароларнинг ҳуқуқ ва эркинликларига ҳурмат руҳида тарбиялашга;
– масъулият ҳиссини оширишга, ташкилотчилик ва таҳлил қилиш қобилиятларини шакллантириш ва такомиллаштиришга устувор аҳамият берилади.
8. Прокуратура органларида кимлар мураббий ҳисобланади ва қоида тариқасида кимлар ёш мутахассисларга мураббий этиб тайинланиши мумкин?
Прокуратура органларида иш ўрганувчиларга Қорақалпоғистон Республикаси, вилоятлар, Тошкент шаҳар прокурорлари ва уларга тенглаштирилган прокурорлар буйруқлари асосида, қоида тариқасида, туман (шаҳар) прокурорлари ва уларга тенглаштирилган прокурорлар, уларнинг ўринбосарлари ёки прокуратура органларида камида беш йил иш стажига эга тажрибали ходимлар мураббий этиб тайинланади.