Конституция 2 меҳнат кодекси 7

Бош прокурорнинг ҳисобдорлиги
Бош прокурор Президент ва Сенат олдида ҳисобдордир.
Президентга:
қонунийлик ҳамда жиноятчиликка қарши курашнинг ҳолати тўғрисида — мунтазам равишда;
ўта оғир жиноятлар ва фавқулодда ҳодисалар тўғрисида — зудлик билан;
прокуратура органлари амалга оширган ишлар тўғрисида — ҳар олти ойда ахборот тақдим этади.
Қорақалпоғистон Республикаси прокуратураси
Қорақалпоғистон Республикаси прокурори Бош прокурор билан келишилган ҳолда Қорақалпоғистон Республикаси Жўқорғи Кенгеси томонидан лавозимига тайинланади ҳамда лавозимидан озод этилади.
Қорақалпоғистон Республикаси прокурорининг биринчи ўринбосари ва ўринбосарлари, бўлимларнинг бошлиқлари ҳамда уларнинг ўринбосарлари, прокурорнинг катта ёрдамчилари Бош прокурорнинг розилиги билан Қорақалпоғистон Республикаси прокурори томонидан лавозимга тайинланадилар ва лавозимдан озод этиладилар.
Қорақалпоғистон Республикаси прокурорининг ёрдамчилари, бўлимларнинг катта прокурорлари ва прокурорлари, АМИБ катта терговчилар ва АМИБ терговчилар, катта терговчилар ва терговчилар Қорақалпоғистон Республикаси прокурори томонидан лавозимга тайинланадилар ва лавозимдан озод этиладилар.
Вилоятлар, Тошкент шаҳар прокуратуралари ва уларга тенглаштирилган прокуратуралар
Вилоятлар, Тошкент шаҳар прокуратуралари ва уларга тенглаштирилган прокуратураларга тегишли прокурорлар Бош прокурор томонидан лавозимга тайинланадилар ҳамда лавозимдан озод этиладилар.
Уларнинг биринчи ўринбосари ва ўринбосарлари, бўлимларнинг бошлиқлари, прокурорларнинг катта ёрдамчилари Бош прокурор томонидан лавозимга тайинланадилар ва лавозимдан озод этиладилар.
Бўлимлар бошлиқларининг ўринбосарлари Бош прокурорнинг розилиги билан вилоятлар, Тошкент шаҳар прокурорлари ва уларга тенглаштирилган прокурорлар томонидан лавозимга тайинланадилар ва лавозимдан озод этиладилар.
Вилоятлар, Тошкент шаҳар прокурорларининг ва уларга тенглаштирилган прокурорларнинг ёрдамчилари, бўлимларнинг катта прокурорлари ва прокурорлари, АМИБ катта терговчилар ва АМИБ терговчилар, катта терговчилар ва терговчилар вилоятлар, Тошкент шаҳар прокурорлари ва уларга тенглаштирилган прокурорлар томонидан лавозимга тайинланадилар ва лавозимдан озод этиладилар